شاباش گجرات پولیس، طالبعلم سے بدفعلی کرنے والے 24 گھنٹوں میں سلاخوں کے پیچھے

گجرات ( نمائندہ باغی ٹی وی) امریکن نیشنل دسویں جماعت کے طالب علم کے ساتھ زبردستی بدفعلی کرنے والے تینوں ملزمان چوبیس گھنٹے کے اندر اندر گرفتار
تفصیلات کے مطابق تھانہ صدر کھاریاں کومحمد افضل نے اطلاع دی کہ اس کا بیٹا جو کہ نجی اسکول میں دسویں جماعت کا طلب علم ہے کو اس کے دوست1۔ فہد ادریس ولد محمد ادریس ڈھولہ 2۔خاور علی ولد محمد اصغر سکنہ فتح بھنڈ اسکول سے چھٹی کے وقت موٹر سائیکل پر گھر چھوڑنے کے بہانے ورغلا کر موضع برنالی لے گئے جہاں پر ان کا تیسرا ساتھی بدر منیر ولد غلام قدیر سکنہ برنالی پہلے سے موجود تھا۔تینوں ملزمان نے میرے بیٹے کے ساتھ زبردستی بد فعلی کی اور وڈیو بناتے رہے اور دھمکی دی کے اگر کسی کو بتایا تو جان سے مار دیں گے۔مدعی کی درخواست پر فوری طور پر مقدمہ کا اندراج کیا گیا اور وقوعہ کی بابت ڈی پی او گجرات سید علی محسن کو آگاہ کیا۔جس پر ڈی پی او گجرات نے ڈی ایس پی کھاریاں سرکل اسد اسحاق اور ایس ایچ اوصدر کھاریاں انسپکٹر عرفان صفدر کو ہدائیت دی کہ زیادتی کرنے والے تمام ملزمان کو جلد از جلد ٹریس کر کے گرفتار کیا جائے۔جس پرایس ایچ اوصدر کھاریاں انسپکٹر عرفان صفدر نے ملزمان کی گرفتاری کیلئے تین مختلف ٹیمیں تشکیل دیں جنہوں نے پیشہ ورانہ صلاحیتوں اور جدید ٹیکنالوجی کی مدد سے تینوں نامزد ملزمان کوچوبیس گھنٹوں کے اندرٹریس کر کے مختلف جگہوں پرریڈ کرنے کے بعد گرفتار کرلیا،مزید تفتیش جاری ہے۔