گجرات قبضہ مافیا نے علاقے کے قبرستان میں قبریں مسمار کر کے رہائشیں تعمیر کر ڈالی۔ اہل علاقہ سراپا احتجاج ۔

گجرات (چوہدری فیضان ارشاد سے ) قبضہ مافیا نے علاقے کے قبرستان میں قبریں مسمار کرکے رہائشیں تعمیر کر ڈالیں اہل علاقہ اپنے پیاروں کی قبریں مسمار ہونے پر با اثر افراد کیخلاف سراپا احتجاج بن گئے گاؤں شیخ پور میں 200 سال پرانے بابا جیون شاہ قبرستان میں 150 کے لگ بھگ پرانی قبریں مسمار کر کے بااثر افراد نے مبینہ طور پر 3 کنال سے زائد اراضی پر قبضہ کرتے ہوئے رہائشیں، مویشیوں کیلئے ڈیرہ اور دکانیں تعمیر کر لیں اپنے آباو اجداد اور عزیزواقارب کی قبریں مسمار ہونے پر متاثرہ خاندانوں امان اللہ،خالد بٹ ؟چوہدری افضل نے محکمہ مال اور ضلعی انتظامیہ کو صورتحال سے آگاہ کرتے ہوئے کارروائی کر کے انصاف کی فراہمی کا مطالبہ کر دیا متاثرین کا کہنا ہے کہ گاؤں کا قبرستان 9 کنال چھ مرلے اراضی پر محیط تھا مگر مبینہ قبضہ مافیا نے پہلے سیوریج کا گندا پانی اور مویشی چھوڑ کر قبروں کی نشانات مٹانے کی کوشش کی اور پھر 150 قبریں مکمل مسمار کر کے 3 کنال چارمرلے اراضی پر قبضہ جما لیا اعلی حکام فوری طور پر قبضہ واگزار کروائیں