خدشہ ہے کرونا وائرس چین میں امریکی فوج لے کر آئی، چین پھٹ پڑا
باغی ٹی وی کی رپورٹ کے مطابق چین نے کہا ہے کہ ووہان میں کرونا وائرس ہو سکتا ہے امریکہ کی فوج نے ہھیلایا ہو.
ترجمان چینی وزارت خارجہ کا کہنا تھا کہ شاہد امریکی فوج ہی چین کے علاقے ووہان میں کورونا وائرس لائی تھی۔ اپنے ٹویٹ میں ترجمان نے کہا کہ شفافیت کا فقدان امریکا میں ہے ، چین میں نہیں۔ خدشہ ہے کہ امریکی فوج ہی کرونا وائرس ووہان میں لائی ہے.
غیر ملکی خبر رساں ادارے رائٹرز کے مطابق چینی وزارت خارجہ کے ترجمان زاو لجیان نےسماجی رابطے کی ویب سائٹ ٹویٹر پر ایک ٹویٹ کہا کہ امریکہ میں کرونا کب شروع ہوا،کتنے لوگ متاثر ہیں ،امریکہ کے کن ہسپتالوں میں کرونا وائرس کے انتظامات کیے گئے ؟اس بات کا امکان ہے کہ امریکی فوج ووہان میں کرونا وائرس لے کر آئی ،امریکہ کو اس معاملے پر وضاحت دینا ہو گی.
واضح رہے کہ امریکی قومی سلامتی کے مشیر رابرٹ اوبرائن نے الزام لگایا تھا کہ چین نے کورونا وائرس پر ردعمل میں سستی کا مظاہرہ کیا،جس کی گزشتہ ماہ سے دنیا قیمت ادا کر رہی ہے ، حالانکہ ووہان میں اس وائرس کی نشاندہی ایک سال قبل ہو گئی تھی۔
کرونا وائرس کی دنیا بھر میں تباہ کاریاں جاری ہیں،کرونا وائرس سے دنیا بھر میں اموات کی تعداد 4979 ہو گئی ہے.
چین میں کرونا سے مزید آٹھ ہلاکتوں کے بعد مرنے والوں کی تعداد 3 ہزار 177 ہو گئی۔ چینی وزارت خارجہ کے ترجمان کا کہنا ہےکہ امریکی فوج مہلک کرونا وائرس کو چین لائی۔
اٹلی میں ایک روز میں 189 ہلاکتوں کے بعد مرنے والوں کی تعداد ایک ہزار سولہ سے تجاوز کر گئی۔ ایران میں 429 افراد کرونا کی وجہ سے زندگی ہار گئے۔ جنوبی کوریا میں 67، اسپین میں 86، امریکا میں ا41 جاپان میں 19، برطانیہ میں 10 افغانستان میں ایک، بھارت میں ایک شخص کرونا سے ہلاک ہو گیا۔ سعودی عرب میں کرونا کے شکار افراد کی تعداد 45 ہو گئی۔
عرب میڈیا کے مطابق پاکستان سمیت کئی ممالک کے شہریوں پر سعودی آنے پر پابندی لگا دی گئی، سعودی حکام نے اقامہ ہولڈرز کو 72 گھنٹوں میں واپس پہنچنے کا حکم دے دیا۔امریکی صدر اور نائب صدر سے ملاقات کرنے والے برازیلی اعلی سرکاری اہلکار کے برازیل واپس پہنچنے پر کیا جانے والے کورونا وائرس کا ٹیسٹ مثبت آگیا۔
کرونا کا پنجاب میں کوئی مریض نہیں،پنجاب میں میڈیکل ایمرجنسی ڈکلیئرکر دی ہے، یاسمین راشد
کرونا کا خدشہ، چکن کی قیمت دس روپے فی کلو ہونے پر پولٹری مالکان نے 6 ہزار مرغیوں کو زندہ دفنا دیا
کرونا وائرس، چین سے طالب علم پاکستان پہنچا تو اسکے ساتھ کیا ہوا؟
خیال رہے کہ اب تک پاکستان میں کورونا وائرس کے 21 کیسز سامنے آچکے ہیں جن میں سے کراچی میں 15، اسلام آباد میں 2 جب کہ گلگت بلتستان 3 اور بلوچستان سے ایک کیس کی تصدیق ہوچکی ہے۔ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں
