لکس اسٹائل ایوارڈ: خلیل الرحمن قمر کا تحریر کردہ ڈرامہ میرے پاس تم ہو بہترین ڈرامہ قرار

19 ویں لکس اسٹائل ایوارڈ میں متنازع ترین ڈرامے میرے پاس تم ہو کو بہترین ڈرامہ قراردیا گیا ہے۔

باغی ٹی وی :دنیا بھر میں پھیلی کورونا وبا کے باعث رواں سال لکس اسٹائل ایوارڈ آن لائن منعقد ہوئے۔ 19 ویں لکس اسٹائل ایوارڈ کو آن لائن اگلے ہفتے نشرکیا جائے گا۔

لکس اسٹائل ایوارڈ میں 2 لائف ٹائم اچیومنٹ ایوارڈ بھی دیئے۔ ایوارڈ حاصل کرنے والوں میں اداکار، شاعر، مصنف، ٹی وی میزبان انورمقصود دیا گیا جب کہ دوسرا ایوارڈ فوٹوجرنلسٹ ٹپوجویری کو دیا گیا۔

ڈرامہ سیریل رانجھا رانجھا کر دی نے 4 ایوارڈ اپنے نام کئے جبکہ ڈرامہ سیریل میرے پاس تم ہو نے 2 ایوارڈ اور فلم لال کبوتر بھی 2 ایوارد اپنے نا م کرنے میں کامیاب رہی-

19 ویں لکس اسٹائل ایوارڈ میں اداروں، ماڈلز اورڈراموں کو ایوارڈ دیئے گئے ان میں بہترین فلم اداکارہ: ماہرہ خان (سپر اسٹار)،سال کے بہترین ماڈلز: (حسنین لہری) اور (زارا عابد) ،بہترین گانا: راوی (سجاد علی) کو دیا گیا جبکہ سال کی بہترین گلوکارہ: ہادیہ ہاشمی ( بول ہو)،جبکہ بہترین ٹی وی اداکار (کرٹکس): زاہد احمد (عشق زہے نصیب)،بہترین ٹی وی اداکارہ (کرٹکس): یمنی زیدی (انکار) شامل ہیں-

فلم لال کبوتر نے دو ایوارڈ اپنے نام کئے جنمیں بہترین فلم : لال کبوتر، بہترین فلم ہدایتکار: کمال خان (لال کبوتر) شامل ہیں-

ڈرامہ سیریل میرے پاس تم ہو نے بھی 2 ایوراڈ اپنے نام کئے جن میں بہترین ایمرجنگ ٹیلینٹ: شیث گل (میرے پاس تم ہو) اوربہترین ڈرامہ: میرے پاس تم ہو شامل ہیں-

ڈرامہ سیریل رانجھا رانجھا کر دی نے 4 ایوارڈ اپنے نام کئے جن میں بہترین ڈرامہ ہدایتکار: کاشف نثار (رانجھا رانجھا کردی)،بہترین ڈرامہ مصنف: فائزہ افتخار (رانجھا رانجھا کردی)،بہترین ٹی وی اداکارہ (کرٹکس): اقرا عزیز (رانجھا رانجھا کردی)،بہٹرین ٹی وی اداکار(کرٹکس): عمران اشرف (رانجھا رانجھا کردی) شامل ہیں-