خانقاہ ڈوگراں میونسپل کمیٹی میں کرپشن کا بازار گرم

خانقاہ ڈوگراں،باغی ٹی وی (نامہ نگار) میونسپل کمیٹی میں کرپشن کا بازار گرم سی او میونسپل کمیٹی کی زیرنگرانی ہیڈ کلرک ملک اصغر غریب عوام کا خون چوسنے میں مصروف
تفصیلات کے مطابق میونسپل کمیٹی خانقاہ ڈوگراں کے ہیڈ کلرک ملک اصغر بازار میں لگی فروٹ کی اور سبزی کی دوکانوں سے ہفتہ لیتا ھے اور جب عطاء اللہ سبزی فروخت نے ہفتہ دینے سے انکار کیا تو ملک اصغر نے اپنے کچھ ملازموں طاہر شاہ،جاوید گجر،اور بلال کولے کر ان کی دوکان پر توڑ پھوڑ کی اور بعد میں ان پر جھوٹی ایف آئی آر درج کروا دی غریب محنت کش کا اعلہ احکام سے نوٹس لینے کا مطالبہ
یادرہے کہ خانقاہ ڈوگراں کی میونسپل کمیٹی 2017 سے کرپشن کی ہوشرباء داستانیں سامنے آئیں جب اس وقت کے چیئرمین حاجی علی اکبر ڈوگر کی طرف سے تحریری رپورٹ وزیر اعلیٰ پنجاب اور کمشنر لاہور ڈویژن کو بھیجی گئی تھی جس میں کہا گیا تھا کہ میونسپل کمیٹی خانقاہ ڈوگراں سے ملازمین کی سروس بک اورپرسنل فائلوں سمیت اہم ریکارڈ غائب ہے اور میونسپل کمیٹی خانقاہ ڈوگراں کے اثاثوں کی جو فہرست تیار کی گئی ہے وہ جھوٹ پر مبنی ہے سابقہ ٹی ایم اے میں بعض لوگوں نے کرپشن کا بازار گرم کیا ہوا تھا جس کا سپیشل آڈٹ نہ ہونے کے باعث کرپشن مافیا کے حوصلے بڑھ جائیں گے.اس وقت بھی ذرائع کا کہنا ہے تمام معاملات کو دبادیاگیا تھا.