دوران عدت نکاح کیس، خاور مانیکا کو وکیل نہ ملا،بشریٰ کی اپیل پر دلائل طلب

ڈسٹرکٹ اینڈ سیشن کورٹ نے عمران خان اور بشریٰ بی بی کے عدت میں نکاح کیس میں سزا کے خلاف اپیل کی سماعت ہوئی

ڈسٹرکٹ اینڈ سیشن کورٹ اسلام آباد میں عمران خان اور بشریٰ بی بی کے عدت میں نکاح کیس کی سماعت ہوئی،سیشن جج شاہ رخ ارجمند کی عدالت میں خاور مانیکا پیش ہوئے،خاور مانیکا نے عدالت سے سماعت ملتوی کرنے کی استدعا کردی، خاور مانیکا نے عدالت میں کہاکہ مجھے نوٹسز تاخیر سے موصول ہوئے ہیں، مجھے وکیل کرنا ہے ، کچھ وقت دیا جائے،سیشن جج شاہ رخ ارجمند نے کہاکہ آپ کو ساڑھے 12بجے تک وقت دے دیتے ہیں،آپ اپنے وکیل کا وکالت نامہ جمع کروا دیں،سیشن عدالت نے خاور مانیکا کو وکیل نامزد کیلئے ساڑھے 12بجے تک کا وقت دے دیا.

دوران عدت نکاح کیس میں سزا کے خلاف اپیلیں،دوبارہ سماعت ہوئی،خاورمانیکا عدالت کے روبرو پیش، خاور مانیکا کی جانب کوئی وکیل پیش نہ ہوا،خاور مانیکا کا کہنا تھا کہ وقت کم تھا کوئی وکیل نہیں ملا، پراسیکیوٹر حسن رانا عدالت پیش ہوئے، پی ٹی آئی وکلاء عثمان ریاض گل ، شیراز رانجھا اور خالد یوسف چوہدری عدالت پیش ہوئے،بشری بی بی کی جانب سے سزا معطلی کیلئے متفرق درخواست دائر کردی گئی،درخواست میں کہا گیا کہ عدالت نے دوران عدت نکاح کیس میں سزا کے خلاف اپیل قابل سماعت قرار دی،عدالت اپیل پر فیصلہ تک بشری بی بی کی سزا معطل کرے،عدالت اپیل پر فیصلہ تک بشری بی بی کی ضمانت پر رہائی کا حکم دے،عدالت نے کیس کی سماعت 20 مارچ تک ملتوی کردی،عدالت نے آئندہ سماعت پر متفرق درخواست اور سزا معطلی کی درخواستوں پر دلائل طلب کر لیے

ڈسٹرکٹ اینڈ سیشن کورٹ اسلام آباد میں خالد یوسف چودھری ایڈووکیٹ نے دوران عدت نکاح کیس میں سزا کے خلاف اپیل دائر کی ، بیرسٹر سلمان صفدر، سلمان اکرم راجہ، خالد یوسف چودھری اور عثمان ریاض گل پیروی کریں گے۔اپیل میں وفاق اور خاور فرید مانیکا کو فریق بنایاگیا ہے،عمران اور بشریٰ کی جانب سے عدالت میں دائر اپیل میں مؤقف اختیار کیاگیا ہے کہ طلاق اپریل2017 میں ہوئی اور اگست2017 میں والدہ کے گھر منتقل ہوگئی تھی،طلاق کے6 سال بعد درخواست دی گئی،تین مرتبہ طلاق دینے کے بعد حق رجوع نہیں بنتا، عدالت نے دائرہ اختیار نہ ہونے کے باوجود سماعت کی اور سزا سنائی،عدت میں نکاح کیس کا فیصلہ غیر قانونی، غیر اسلامی، غیر شرعی اور انصاف کے برخلاف ہے،اپیل میں عدالت سے استدعا کی گئی کہ عدت میں نکاح کیس کے 3 فروری کے سزا کے فیصلے کو کالعدم قرار دیا جائے،ٹرائل کورٹ کا تین فروری کا فیصلہ کالعدم قرار دیا جائے.

دوران عدت نکاح کیس میں عمران خان اور ان کی اہلیہ کو عدت میں نکاح کیس میں سزا سنا دی گئی،عمران خان اور بشری بی بی کا نکاح غیر شرعی قرار دے دیا گیا،عمران خان اور بشری بی بی کو 7،7 سال قید اور 5 لاکھ جرمانہ کی سزا سنا دی گئی،

سائفر کیس، اسلام آباد ہائیکورٹ کا حکم امتناع،اڈیالہ جیل میں سماعت ملتوی

سائفر کیس، شاہ محمود قریشی کی درخواست ضمانت مسترد

اسلام آباد ہائیکورٹ کا سائفر کیس کی سماعت روکنے کا حکم

سائفر کی ماسٹر کاپی وزارت خارجہ کے پاس موجود ہے،اعظم خان کا بیان

عمران خان اور جیل سپرنٹنڈنٹ کے درمیان تلخ جملوں کا تبادلہ