خواتین کو وراثت میں حق نہ دینے والوں کےخلاف سخت کاروائی کے مطالبے کی قرارداد پنجاب اسمبلی میں جمع کروا دی گئی ہے، قرارداد مسلم لیگ(ن) کی رکن سعدیہ تیمور کی جانب سے جمع کرائی گئی ہے.
قرارداد کے متن میں کہا گیا ہے کہ بہنوں اور بیٹیوں کو جائیداد میں حصہ نہ دینے کے واقعات میں تیزی سے اضافہ ہورہا ہے، اگر خواتین کو جائیداد میں سے اپنا حق لینے کےلئے عدالتوں کے چکر لگانے پڑتے ہیں، خواتین کو حق وراثت سے محروم رکھا اسلامی اصولوں کے بھی خلاف ہے.
قرارداد میں مطالبہ کیا گیا ہے کہ خواتین کو وارثت میں حق نہ دینے والوں کے خلاف سخت کاروائی کی جائے، حکومت محکمہ مال کے افسران کوخواتین کو ان کا حق دینے کا پابند کریں، محکمہ مال ، ریونیو اور ایل ڈے کے جو افسران خواتین کو حق ورراثت سے محروم کرنے کی کوشش کریں ان کےخلاف بھی کاروائی کی جائے.
