ڈرامہ ’خدا اور محبت‘ کے ہدایت کار پاکستان کے سنجے لیلا بھنسالی ہیں اقرا عزیز

پاکستان ٹی وی انڈسٹری کی معروف اور خوبرو اداکارہ اقرا عزیز نے ڈرامہ ’خدا اور محبت‘ کے ہدایت کار وجاہت حسین کو پاکستان کا سنجے لیلا بھنسالی قرار دے دیا۔

باغی ٹی وی : اداکارہ اقرا عزیز خدا اور محبت ڈرامے کے تیسرے سیکوئل میں فیروز علی خان کے ہمرای مرکزی کردار میں نظر آئیں ڈرامے کے جاری ہوئے ٹیزرز کو شائقین کی جانب سے خوب پسند کیا اور اب انہیں ڈرامے کے نشر ہونے کا بے صبری سے انتظار ہے نہ صرف ڈرامے کے ٹیزر بلکہ راحت فتح علی خان کی آواز میں گائے گئے ڈرامے کے ٹائٹل گیت کو بھی بے حد پسند کیا جا رہا ہے-

تاہم گزشتہ روز اداکارہ اقرا عزیز نے ڈرامہ سیریل ’ خدا اور محبت‘ کی تمام انتظامیہ کی تصویر انسٹا گرام پر شیئر کی اور لکھا کہ اس ڈرامے میں کام کرنے کا لمحہ میرے لیے حسین سفر ثات ہوا اس ڈرامے میں شامل ہونے پر عبداللہ قادوانی اور اسد قریشی کی مشکور ہوں۔

اقرا عزیز نے ڈرامے کے ہدایت کار کی تعریف میں لکھا کہ وجاہت حسین آپ پاکستان کے سنجے لیلا بھنسالی ہیں آپ کی خاص بات یہ ہے کہ آپ کسی بھی سین کو غیر معمولی بنانے میں مہارت رکھتے ہیں۔

انہوں نے ڈرامے میں مرکزی کردار ادا کرنے والے فیروز خان سے متعلق کہا کہ آپ کے ساتھ کام کرکے مجھے خوشی سی ہوئی ہے، اُمید ہے کہ یہ پروجیکٹ مستقبل کے دیگر پروجیکٹ کے لیے سنگ میل ثابت ہوگا۔

اقرا عزیز نے ڈیزائنر فائزہ ثقلین کا بھی شکریہ اداکیا کہا کہ وہ ان کے کام کی مداح ہیں ساتھ ہی اداکارہ نے میک اپ آرٹسٹ کی تعریف کرتے ہوئے انہیں اپنا بہترین دوست قرار دیا-

اداکارہ نے مزید کہا کہ ڈرامے کی ٹیم جو اس تصویر کا حصہ نہیں ان سب کا بھی شکریہ ٹیم کے ساتھ کئے گئے کام اور گزارے گئے ہنسی خوشی کے لمحات ان کو ہمیشہ یاد رہیں گے اور ساتھ ہیں بہاولپور کی سردی اور ملتان کی گرمی بھی یاد رہے کی-

ڈرامے کی کہانی معروف مصنف ہاشم ندیم نے لکھی ہے اور ہدایت کاری سید وجاہت حسین کی ہے ‘خدا اور محبت’ کا سیزن 3 سیونتھ اسکائی کے نامور پروڈیوسرز عبداللہ کادوانی اور اسد قریشی کی سربراہی میں بنایا گیا ہے –

خیال رہے کہ ڈرامہ ‘خدا اور محبت 3′ کی کہانی عشق حقیقی اور عشق مجازی کے گرد گھومتی ہے خدا اور محبت’ کے تیسرے سیزن میں معروف اداکار فیروز خان اور اداکارہ اقراء عزیز مرکزی کردار کرتے ہوئے نظر آئیں گے۔۔

راحت فتح علی خان کی آوز میں ‘خدا اور محبت’ 3 کا ٹائٹل گیت مقبول

ڈراموں کی کہانیاں ایسی ہونی چاہیئں کہ دیکھنے والے اس سے سبق سیکھیں اقرا عزیز

اقرا عزیز اورفیروز خان کا ڈرامہ ‘خدا اور محبت’ 3 ریلیز ہونے سے قبل ہی…