مراد علی شاہ سےبہترکوئی عورت اس وزارت کو بہترچلالے گی،خرم شیرزمان کا وزیرداخلہ شیخ رشید کوخط

0
70

کراچی :مراد علی شاہ سے بہتر کوئی عورت اس وزارت کو بہتر چلا لے گی، خرم شیر زمان نے وزیرداخلہ شیخ رشید کو خط لکھ دیا،اطلاعات کے مطابق پی ٹی آئی پارلیمانی لیڈر خرم شیر زمان نے کہا ہے کہ مراد علی شاہ سے بہتر کوئی عورت اس وزارت کو بہتر چلا لے گی۔

خرم شیر زمان نے پریس کانفرنس کرتے ہوئے کہا کہ عام آدمی کے بعد اب صحافیوں کو مارا جارہا ہے، اس کا ذمہ دار نالائق اعلیٰ مراد علی شاہ ہیں، صوبے کا وزیر اعلیٰ تمام محکموں میں ناکام ہوچکے ہیں۔

انہوں نے کہا کہ صوبے میں کرپشن اور لوٹ مار بڑھ چکی ہے، حکومت کی ذمہ داری ہوتی ہے عوام کی جان و مال کی حفاظت کرنا، 18 ویں ترمیم کے بعد بلاول زرداری کی حکومت جوابدہ ہے، ہم نے ہائی کورٹ میں 3 ماہ پہلے پٹیشن دائر کی ہے۔

ان کا کہنا تھا کہ سندھ اسمبلی میں ہم نے تحریک التوا جمع کروائی ہے، ہم نے وزیر اعلیٰ سندھ کو خط لکھا، وزیر اعلیٰ ہاؤس کے دروازے پر ہم گئے، آج وزیر داخلہ شیخ رشید کو خط لکھا ہے، اب پانی سر سے اوپر نکل گیا ہے، اب کراچی کے حالات کا وفاق نوٹس لے۔

خرم شیر زمان نے کہا کہ پیپلز پارٹی تو صرف مارچ نکالنے کے لیے ہے، 80 ہزار کیسز 2021 میں کرائم کے پیش آئے، سندھ حکومت مکمل ناکام ہوچکی ہے، ایڈیشنل آئی جی نے بتایا کہ 8 ہزار کرمنلز بیل پر رہا ہوئے۔

انہوں نے کہا کہ اطہر متین کو بے گناہ مار دیا گیا، شہر میں روز کئی اطہر متین مارے جارہے ہیں، سندھ حکومت کا نام گنیز بک میں شامل ہونا چاہیے، رینجرز کو مکمل اختیار دیئے جائیں، یا پھر عوام کو مکمل اختیار دیئے جائیں، سیف سٹی پروجیکٹ ابھی تک شروع نہیں ہوسکا۔

پی ٹی آئی پارلیمانی لیڈر خرم شیر زمان کا مزید کہنا تھا کہ نالائق سیاسی جماعت سیف سٹی پروجیکٹ مکمل نہیں کرسکی، ہم سب کی جانیں خطرے میں ہیں، سندھ کا مستقل وزیر داخلہ لگایا جائے، مراد علی شاہ سے بہتر کوئی عورت اس وزارت کو بہتر چلا لے گی۔

Leave a reply