خورشید شاہ کے ریمانڈ میں توسیع.ضمانت کیوں نہیں کروا رہے؟ وکیل نے بتا دیا
باغی ٹی وی کی رپورٹ کے مطابق احتساب عدالت میں پیپلز پارٹی کے رہنما خورشید شاہ کو پیش کیا گیا، جیل حکام نے خورشید شاہ کو ایمبولینس پر پیش کیا،عدالت نے خورشید شاہ کے جوڈیشل ریماند میں 5 روز کی توسیع کرتے ہوئے 12 دسمبر کو دوبارہ پیش کرنے کا حکم دے دیا
وکیل نے کہا کہ خورشیدشاہ پرکوئی کیس نہیں بنتا،ہم ضمانت نہیں لے رہے تاکہ نیب مکمل انکوائری کرلے،نیب نے کہا کہ تحقیقات جاری ہیں جلد عدالت میں ریفرنس دائر کریں گے، نیب نے عدالت سے خورشید شاہ کے 15 روزہ ریمانڈ کی استدعا کی تھی جسے عدالت نے مسترد کرتے ہوئے 5 روز کا ریمانڈ دیا.
خورشیدشاہ دل کی 3شریانیں بند ہونے کے باعث امراض قلب کےاسپتال میں زیرعلاج ہیں ,خورشید شاہ کو نیب سکھر نے گرفتار کیا ہے وہ ریمانڈ پر نیب کی تحویل میں ہیں، خورشید شاہ نے نیب سیل میں اسلامی اور سیاسی کتب منگوالیں .
خورشید شاہ کی گرفتاری، دونوں بیگمات نے بڑا قدم اٹھا لیا، عدالت پہنچ گئیں
قبل ازیں چند روز قبل سندھ ہائیکورٹ میں خورشیدشاہ کے خلاف آمدن سے زائداثاثہ جات کیس کی سماعت ہوئی ،عدالت نے خورشید شاہ کی اہلیہ،بیٹےاوردامادکی ضمانت میں توسیع کردی ،عدالت نے نیب حکام کوانکوائری مکمل کرنے کیلیے 16 جنوری تک مہلت دے دی ،صوبائی وزیراویس شاہ سمیت دیگرملزمان سندھ ہائیکورٹ میں پیش ہوئے
گرفتاری کے بعد بیماری سیاسی رہنماؤں کا معمول،خورشید شاہ بھی
آمدن سے زائد کیس میں مبینہ فرنٹ مین ڈاکٹر آفتاب سومرو نے بھی ضمانتیں لے لیں ،اویس قادرشاہ کے مبینہ فرنٹ مین زبردست خان مہر نے بھی ضمانت قبل ازگرفتاری حاصل کرلی ،چاروں افراد کی ضمانتیں 5لاکھ روپے کے مچلکوں کے عوض منظورہوئیں.
