خوشیاں غم میں تبدیل ……

افغانستان کے دارالحکومت کابل میں ایک زوردار دھماکہ ہوا جس سے 63 افراد جاں بحق جبکہ 100سے زائد زخمی ہو گئے۔ دھماکہ ہفتہ کی رات کو ہو ا ۔
باغی ٹی وی کی رپورٹ کے مطابق دھماکہ کابل میں شادی کی تقریب کے دوران رات 10:40پر ہوا۔جاں بحق افراد اور زخمیوں کو ہسپتال منتقل کر دیا گیا ہے۔دھماکہ کے وقت دو منزلہ ’ویڈنگ ہال‘ میں اسٹیج کے قریب بہت سے لوگ جمع تھے۔
عینی شاہدین کے مطابق دھماکے کے وقت ہال پوری طرح لوگوں سے بھرا ہوا تھا۔ ابھی تک کسی بھی گروپ یا شخص نے اس حملے کی ذمہ داری نہیں لی ہے۔
واضح رہے کہ دھماکہ مغربی کابل میں ہزارہ کمیونٹی کے علاقے میں ہوا۔شادی کی تقریب میں ایک ہزار سے زائد افراد مدعو تھے۔