لاہور: جشن آزادی کے موقع پر مینار پاکستان پارک میں اوباش لڑکوں کی خواتین سے چھیڑ خانی کے متعدد واقعات پیش آئے جبکہ پولیس نے واقعات میں ملوث 65 اوباش لڑکوں کو گرفتار کرنے کا دعویٰ کیا ہے۔
باغی ٹی وی : تفصیلات کے مطابق مینار پاکستان پارک میں عوام کے غیرمعمولی رش کے باعث 800 سے زائد پولیس اہلکار تعینات کئے گئے تھے اس دوران شدید رش میں اوباش لڑکوں نے خواتین سے چھیڑ خانی بھی کی جس پرخواتین کے ساتھ آئے مردوں اور اوباش لڑکوں کے مابین تلخ کلامی بھی ہوئی اورایک موقعے پر ڈنڈے بھی چل پڑے-
اسلام آباد:ٹک ٹاک ویڈیوکا شوق جان لےگیا،ایک لڑکی جانبحق دوسری زخمی
پولیس کے پہنچنے سے پہلے اوباش نوجوان کامیاب ہوگئے علاوہ ازیں پولیس نے آزادی پل پر کھڑے اوباش لڑکوں کے خلاف لاٹھی چارج بھی کی۔
سی سی پی او لاہور غلام محمود ڈوگر نے بتایا کہ گریٹر اقبال پارک میں شہریوں کے بڑھتی تعدادکے پیش نظر میں مزید اضافی کے باعث اضافی نفری بھی تعینات کی گئی تھی جبکہ پولیس نے شہریوں سے چھیڑ خانی میں ملوث 65 اوباش لڑکوں کو حراست میں لے لیا ہے-
