خواتین کا کاز اور پاکستان پیپلز پارٹی کا کاز ایک ہے ،بلاول نے عورت مارچ کی حمایت کر دی

پی پی پی چیئرمین بلاول بھٹو زرداری نے خواتین کی جانب سے کل منعقد پرامن مظاہرے کی حمایت کردی-

باغی ٹی وی : پی پی پی چیئرمین کل اسلام آباد میں نیشنل پریس کلب کے سامنے ہونے والے عورت مارچ سے یکجہتی کا اظہارکریں گے انہوں نے کہا کہ اپنے حقوق کے لیئے خواتین کی جدوجہد کی کامیابی کا متمنی ہوں، جو پدرانہ ذہنیت دینے سے انکاری ہے-

پی پی پی چیئرمین بلاول بھٹو زرداری کی خواتین کی جانب سے کل منعقد پرامن مظاہرے کی حمایت

پی پی پی چیئرمین کا کل اسلام آباد میں نیشنل پریس کلب کے سامنے ہونے والے عورت مارچ سے یکجہتی کا اظہار@BBhuttoZardari #WomensDay
#AuratAzadiJalsa2022

— PPP (@MediaCellPPP) March 7, 2022

بلاول بھٹو زرداری نےمیڈیا رپورٹس پر ردعمل دیتے ہوئے کہا کہ انتظامیہ کی جانب سے عوامی مارچ کی آڑ میں خواتین کو پرامن مظاہرے کی اجازت نہ دینا باعثِ تشویش ہے-

انہوں نے کہا کہ متعلقہ حکام کسی بھی بہانے عورت مارچ کے طئے شدہ جلسے میں رخنہ نہ ڈالیں پیپلز پارٹی، خواتین اور پسماندہ طبقات کے حقوق کے لیے جدوجہد میں ہمیشہ ان کے شانہ بشانہ کھڑی رہی ہے خواتین کا کاز اور پاکستان پیپلز پارٹی کا کاز ایک ہیں-

بلاول بھٹو زرداری نے کہا کہ آئین کے تحت پرامن اجتماع عوام کا بنیادی حق ہے کسی بھی صورت یا کسی بھی بہانے مذکورہ حق کو ختم یا اس سے محروم نہیں کیا جانا چاہیے امتیازی برتاوَ کے خلاف خواتین کی جدوجہد قابلِ تحسین ہے-

عورت مارچ نا منظور،مردان میں "مرد مارچ” کے نعرے

پی پی پی چیئرمین نے کہا کہ ہر قسم کے استحصال، امتیازی سلوک اور پدرانہ ذہنیت کے خلاف خواتین کی جدوجہد کی مکمل حمایت کا یقین دلاتا ہوں صنفی مساوات کی جانب خواتین کی پیشرفت نمایاں ہے، پاکستان پہلے کی نسبت زیادہ روادار، ہم آہنگی اور محفوظ ہے: بلاول بھٹو زرداری

پیپلز پارٹی خواتین کے خلاف امتیازی برتاوَ اور مذہب کے نام پر ان کے استحصال کو جاری رکھنے کی اجازت نہیں دے گی اسی وجہ سے، پیپلز پارٹی خواتین کے پرامن اجتماع کے حق کی حمایت کرتی ہے حکام خواتین کے طے شدہ پرامن مظاہرے میں کسی قسم کی رکاوٹ نہ ڈالیں مشکلات کتنی بھی ہوں، حصولِ حقوق کی جدوجہد میں کامیابی پاکستانی خواتین کا مقدر ہے

خورشید شاہ،مولانا ملاقات کے بعد زرداری ہاؤس میں بڑی بیٹھک