پشاور انسٹیٹیوٹ آف کارڈیالوجی کا تاریخی اعزاز،ڈاکٹرزنے گردوں کے مرض میں مبتلا مریضوں کے لیے بنا کنٹراسٹ انجکشن کے انجیو پلاسٹی ممکن بنا ڈالی-
باغی ٹی وی:انٹروینشنل کارڈیالوجسٹ پی آئی سی ترجمان کے مطابق گردوں کےمرض میں مبتلا 83سالہ مریضہ کو بناکنٹراسٹ انجکشن کے الٹرا ساونڈ سے سٹنٹ لگا دیا انجیو گرافی اور سٹنٹ لگانے کے دوران کنٹراسٹ دوائی کا استعمال لازمی ہوتا ہے-
ڈاکٹر قیصر علیم کے مطابق پروسیجرز کے دوران کنٹراسٹ انجکشن سے مریضوں کے گردے فیل ہونے کا خدشہ ہوتا ہے-
واضح رہے کہ پشاور انسٹی ٹیوٹ آف کارڈیالوجی کی بنیاد 2006 ء میں ایم ایم اے کے دور حکومت میں رکھی گئی صوبے میں تحریک انصاف کی حکومت آنے کے بعد اسے 2020 ء میں پایہ تکمیل تک پہنچایا گیا اس کا افتتاح وزیراعظم عمران خان نے 16دسمبر 2020 ء کوکیا جب صحت کارڈز جاری ہوئے تو یہاں خیبر پختونخوا کے باسیوں کو امراض قلب کا مہنگا علاج مفت فراہم کیاجانے لگا۔
پی آئی سی امراض قلب کے لیے مختص واحد ہسپتال ہے جو295 بستروں پرمشتمل ہے۔ یہ نہ صرف صوبے کا پہلا اسٹیٹ آف دی آرٹ بلکہ پاکستان کےبہترین ہسپتالوں میں سےایک ہےجس میں 6 کیتھ لیبز، 6 آپریشن تھیٹرز،2 آئی سی یوزاور4 سی سی یوزہیں اس ہسپتال کا خصو صی حصہ اس کی ایمرجنسی ہے جوامراض قلب کے مریضوں کے لیے 24 گھنٹے فعال رہتا ہے۔
آئی ایم ایف کے معاہدے کیوجہ سے پیٹرولیم مصنوعات کی قیمتیں بڑھانے کے علاوہ کوئی چارہ نہیں ،وزیراعظم
یہاں ایڈلٹ مریضوں کے لیے سات جبکہ پیڈزکے لیے ایک سرجن تعینات ہے جب کہ 10 ایڈلٹ اور 2 پیڈز کارڈیالوجسٹ کام کررہے ہیں۔ پی آئی سی میں تمام ڈاکٹرزباہرممالک سے وسیع تجربہ لے کریہاں خدمات سر انجام دے رہے ہیں۔
پشاورانسٹیٹیوٹ آف کارڈیالوجی اس وقت امراض قلب کے بیشتر اقسام کاعلاج فراہم کررہاہے۔ پی آئی سی پاکستان کا واحد سرکاری ہسپتال ہے جسے قائم ہونے کے بعد صرف چھ ماہ میں پاکستان کالج آف فزیشن اینڈ سرجنزکی جانب سے منظوری ملی جس کے بعد اب اس ادارے میں پوسٹ گریجویٹ کورسز بھی پڑھائے جاسکتے ہیں۔
یہ ہسپتال اس وقت امراض قلب سے متعلق مختلف شعبوں میں بہترین خدمات سر انجام دے رہا ہے جس میں ایڈلٹ کارڈیالوجی، ایڈلٹ کارڈیک سرجری ، پیڈز کارڈیالوجی اور پیڈزکارڈیک سرجری شامل ہے۔
