کترینہ کیف نے شادی کی نئی تصاویر شئیر کر دیں

بالی ووڈ اداکارہ کترینہ کیف اور ان کے شوہر اور اداکار وکی کوشل نے اپنی شادی کی مزید تصاویر مداحوں کے ساتھ شیئر کی ہیں۔

باغی ٹی وی : اداکارہ کترینہ کیف اور وکی کوشل نے گزشتہ روز اپنی مایوں کی رسم کی تصاویر سوشل میڈیا پر شیئر کی تھیں اور آج مہندی کی رسم کی تصاویر شیئر کی ہیں تصاویر میں دونوں کو اہلخانہ کے ساتھ ہلہ گلہ کرتے ہوئے نہایت خوش دیکھا جاسکتا ہے جب کہ دونوں نے ہی تصاویر شیئر کرتے ہوئے کیپشن میں مہندی کی تقریب کا مقبول ترین گیت ’’مہندی تا سج دی‘‘ لکھا دونوں کو ڈھول پر رقص کرتے دیکھا جا سکتا ہے-

کترینہ کیف نے شادی کی دیگر رسومات کی تصاویر شئیر کر دیں

واضح رہے کہ کترینہ کیف اور وکی کوشل 9 دسمبر کو راجستھان کے ضلع سوائی مادھوپور کے شاندار ہوٹل میں شادی کے بندھن میں بندھے تھے شادی سے قبل دونوں نے اپنی شادی کو خفیہ رکھنے کی ہر ممکن کوشش کی تھی لیکن شادی کے بعد وکی اور کترینہ شادی کی تمام رسومات کی تصاویر مداحوں کے ساتھ شیئر کررہے ہیں۔

کترینہ اور وکی کی شادی کس مذہب کے تحت ہوں گی؟

گزشتہ روز کترینہ کیف نے مایوں کی تقریب کی تصاویر شیئر کرتے ہوئے صبر، شکر اور خوشی کا پیغام دیا تھا۔ اس کے علاوہ دونوں نے اپنی شادی میں شرکت نہ کرنے والے فنکاروں کو تحائف بھی بھیجے ہیں۔

واضح رہے کہ کترینہ کیف شادی پر سرخ لہنگے میں روایتی مشرقی دلہن کے روپ میں انتہائی خوبصورت نظر آئیں کترینہ نے شادی پر بھارت کے مشہور ڈیزائنر سبیا ساچی مکھرجی کا ڈیزائنر لہنگا زیب تن کیا تھا، جس میں مٹکا ریشم پر باریک تلے کا کام کیا گیا تھا اس کے علاوہ لہنگے کے بارڈر پر زردوزی کا انتہائی خوبصورت کام بھی تھا۔ ایک بھارتی ویب سائٹ کے مطابق کترینہ کے شادی کے لباس کی قیمت 17 لاکھ روپے ہے۔

کترینہ کیف اوروکی کوشل آج شادی کے بندھن میں بندھیں گے