کوہاٹ شہر اور گردونواح میں زلزلے کے جھٹکے محسوس کئے گئے-
باغی ٹی وی : کوہاٹ شہر اور گردونواح میں زلزلے کے جھٹکے محسوس کئے گئے زلزلے کے جھٹکوں کے بعد لوگ کلمہ طیبہ کا ورد کرتے گھروں سے باہر نکل آئے، زلزلہ پیما مرکز کے مطابق زلزلہ کی شدت 4.8 ریکارڈ کی گئی-
زلزلہ پیما مرکز نے بتایا کہ زلزلے کا مرکز کوہاٹ کے نزدیک تھا، اور زیرزمین گہرائی 20 کلو میٹر تھی-
واضح رہے کہ اس سے 4 دن قبل بلوچستان کے ضلع ژوب میں زلزلے کے جھٹکے محسوس کیے گئے تھے زلزلہ پیما مرکز کے مطابق زلزلے کی شدت 4.7 اور زیرزمین گہرائی 10 کلومیٹر ریکارڈ کی گئی تھی زلزلہ پیمامرکز نے بتایا تھا کہ زلزلے کا مرکز ژوب سے 82کلومیٹر شمال مشرق میں تھا۔
