کوئی میرا انسٹاگرام اکاؤنٹ ہیک کرنے کی کوشش کررہا ہے عدنان صدیقی

0
26

پاکستان شوبزانڈسٹری کے معروف اداکار عدنان صدیقی کا کہنا ہے کہ کوئی اُن کا انسٹاگرام اکاؤنٹ ہیک کرنے کی کوشش کررہا ہے۔

باغی ٹی وی:اس حوالے سے عدنان صدیقی نے اپنے تصدیق شدہ انسٹاگرام اکاؤنٹ پر ایک خصوصی پوسٹ شیئر کی جس میں اُنہوں نے اپنے نام سے منسوب ایک جعلی انسٹا اکاؤنٹ کا اسکرین شاٹ شیئر کیا۔

عدنان صدیقی نے اسکرین شاٹ شیئر کرتے ہوئے کہا کہ کوئی میرا انسٹاگرام اکاؤنٹ ہیک کرنے کی کوشش کررہا ہے اور میرے تمام دوستوں کو اس جعلی اکاؤنٹ سے فرینڈ ریکوئسٹ بھی بھیج رہا ہے۔

اداکار نے کہا کہ میں یہاں یہ بات واضح کرنا چاہتا ہوں کہ میرا صرف ایک ہی اصل اکاؤنٹ ہے، باقی میرے نام سے منسوب تمام انسٹاگرام اکاؤنٹس جعلی ہیں۔

آخر میں اُنہوں نے اپنے تمام دوستوں اور مداحوں سے اُن کے نام سے منسوب اُس جعلی انسٹاگرام اکاؤنٹ کو جلد از جلد رپورٹ کرنے کی اپیل بھی کی۔

خیال رہے کہ اس سے قبل بھی کئی پاکستانی فنکاروں کے سوشل میڈیا اکاؤنٹس ہیک ہوچکے ہیں جن میں نعمان اعجاز اور ماڈل فریحہ الطاف شامل ہیں۔

Leave a reply