اداکارہ امر خان نے حال ہی میں کسی صارف کی ٹویٹ کو قوٹ ری ٹویٹ کرکے لکھا ہے کہ ” رب کرے 2023 میں کوئی ایک آدھا سنجے بھنسالی بارڈر کے اس پار بھی جنم لے ، ورنہ ہمارے ہاں کبھی بھی فی میل اروینٹڈ فلم نہیں بنے گی. ہمارے ہاں میل اورینٹڈ فلمیں ہی بنتی رہیں گی” . امر خان نے اس قسم کی خواہش کا اظہار صرف اس لئے کیا ہے کیونکہ ہمارے ہاں ایسی فلمیں نہیں بنتیں کہ جن میں خواتین کو بہت زیادہ امپاور دکھایا جائے ان کو پر اعتماد دکھایا جائے ہمارے ہاں مسلسل ایک ہی فارمولا پر فلمیں بن رہی ہیں اور وہ فارمولا ہے مرد اورینٹڈ فلمیں. امر خان جنہوں نے خود اس سال اپنے
فلمی کیرئیر کا آغاز دم مستم سے کیا ہے وہ ایک فلاپ فلم رہی اس فلم کو انہوں نے خود ہی لکھا تھا اور خود ہی اس میں مرکزی کردار ادا کیا تھا انہوں نے فلم کی کہانی خود پر رکھنے کی کوشش کی لیکن بات نہ بن سکی کہانی کا پلاٹاتنا بکھرا ہوا تھا کہ دیکھنے والے کو سمجھ ہی نہیں آرہا تھا کہ کیا چل رہا ہے اور کیوں چل رہا ہے. تاہم امر خان کی یہ خواہش ضرور ہے کہ انہیں کسی ایسی فلم میں کام کرنے کا موقع میسر آئے جن میں خواتین اپنی صلاحیتوں کے مطابق کھل کر کام کر سکیں.
