کمار شانو نے اپنے نئے گانے کا ٹیزر جاری کر دیا

نوے کی دہائی کے سپر ہٹ گلوکار کمار شانو نے اپنے انسٹاگرام اکاﺅنٹ سے اپنے نئے گانے کا ٹیزر جاری کر دیا ہے۔ گانے کے بول ہیں ” دل بھی رونے لگا“ ۔ مکمل گانا سولہ فروری کو یوٹیوب پر ریلیز کیا جا رہا ہے۔ گانے کے ٹیزر کو بہت زیادہ پسند کیا جا رہا ہے۔ گانا کمار شانو نے اپنے روایتی انداز میں گایا ہے اور ان کے انداز اور انکی آواز کو بہت پسند بھی کیا جاتا ہے۔ گوکہ وقت بدلہ تو جہاں بہت ساری تبدیلیاں آئیں وہیں میوزک میں بھی تبدیلیاں آئیں اور جو لوگ نوے کی دہائی میں گانا گا رہے تھے ان کو ایکدم مارکیٹ سے آﺅٹ کر دیا گیا۔ کمار شانو بھی اسکا

شکار ہوئے لیکن انکے گیت آج بھی ان کے مداح بہت ہی شوق سے سنتے ہیں ۔ کمارے شانو وہ گلوکار ہیں جنہوں نے شائقین کے دلوں پر راج کیا۔ نوے کی دہائی میں صرف کمار شانو کی آواز کا ہی طوطی بولتا تھا ۔ آج بھی ان کے گانے دیوانہ وار سنے جاتے ہیں۔ اس کی مثال ان کے حالیہ گانے کا ٹیزر جاری کرنے سے لگایا جا سکتا ہے۔کمار شانو کا کہنا ہے کہ مجھے امید ہے کہ میرے اس گیت کو بھی ان کے چاہنے والے پذیرائی دیں گے ۔