سابق صدر مملکت پاکستان آصف علی زرداری نے یوم مزدور کے دن پر پیغام میں کہا ہے کہ پاکستان پیپلزپارٹی محنت کشوں کی جماعت ہے۔ پیپلزپارٹی محنت کشوں کے حقوق کا تحفظ کرتی رہے گی،
آصف علی زرداری کا کہنا تھا کہ پیپلزپارٹی کے بانی چیئرمین قائد عوام ذوالفقار علی بھٹو شہید اور محترمہ بینظیر بھٹو شہید نے محنت کشوں کی ہمیشہ طرفداری کی تھی۔ پیپلزپارٹی نے لیبر اصلاحات کے ذریعے مزدوروں سے ہونے والی ناانصافیوں کا ازالہ کیا تھا۔ آج بدترین مہنگائی کی وجہ سے محنت کش طبقہ معاشی بدحالی کا شکار ہے۔ پیپلز پارٹی کی حکومت نے وفاق میں بینظیر ایمپلائیز اسٹاک آپشن اسکیم کے تحت سرکاری صنعتی اداروں میں محنت کشوں کو شراکت دار بنایا تھا۔پاکستان پیپلزپارٹی نے سرکاری ملازمین کی تنخواہوں اور ریٹائرڈ ملازمین کے پنشن میں ریکارڈ اضافہ کیا تھا۔پیپلزپارٹی دوبارہ اقتدار میں آنے کے بعد محنت کشوں کی مشکلات کو ترجیحی بنیاد حل کریگی۔
شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا
فارن فنڈنگ کیس میں بھی عمران خان کو اب سازش نظر آ گئی، اکبر ایس بابر
وزیراعظم آزاد کشمیر تنویر الیاس سو دن میں ہی فلاپ،کارکردگی زیرو،اراکین بھی بول پڑے
آصف علی زرداری کا کہنا تھا کہ روٹی کپڑا اور مکان پیپلزپارٹی کا منشور ہے۔ہم قائد عوام ذوالفقار علی بھٹو شہید کے منشور پر عمل پیرا ہیں۔ چیئرمین پیپلزپارٹی بلاول بھٹو زرداری اپنے نانا شہید اور والدہ شہید کی طرح محنت کشوں کا ساتھ دینگے۔ ملک کے تمام محنت کشوں سے درخواست ہے بلاول بھٹو زرداری کا ساتھ دیکر ان کے ہاتھ مضبوط کریں۔
