لاہور:لاہوردھماکہ:دومشتبہ افراد گرفتار،پولیس نامعلوم مقام پرلے گئی،اطلاعات کے مطابق پولیس نے لاہور انارکلی دھماکے کے ماسٹرمائنڈ اوردیگردہشت گردوں تک پہنچنے کے لیے آپریشن جاری رکھا ہوا ہے اورتازہ اطلاعات میں بتایا گیا ہے کہ میو اسپتال کے باہر سے دو مشتبہ افراد گرفتار تفتیش کے لیے نامعلوم مقام پر منتقل کردیا گیا ہے
ادھر اس حوالے سے مزید معلوم ہوا ہے کہ پولیس نے ان افراد کی گرفتاری بنیادی شواہد کی بنا پر کی ہے تاہم یہ ثآبت نہیں کہ یہ واقعی مجرم اور ملوث ہیں یا پھرشک کی بنیاد پران کو گرفتارکیا گیا ہے
پولیس اور حساس اداروں کی تفتیش جاری ہے اور فوٹیجز کی مدد سے مبینہ دہشت گرد کی شناخت کرلی گئی ہے ۔
ذرائع کے مطابق لاہور انارکلی دھماکے میں ملوث دہشت گرد کی شناخت کر لی گئی ہے۔ مبینہ دہشت گرد موٹرسائیکل پر جائے وقوعہ تک آیا اور ایک بیگ رکھا۔ تفتیشی ذرائع کے مطابق مبینہ دہشت گرد کے جانے کے 4 منٹ بعد دھماکہ ہوا ۔
دہشت گرد کے فرار ہونے کی مزید فوٹیجز حاصل کی جارہی ہیں ۔ دھماکہ میں استعمال ہونے والے بارودی مواد کا جائزہ لیا جا رہا ہے ۔ ذرائع کے مطابق موجودہ دھماکہ 2013 کے انارکلی دھماکے سے مماثلت رکھتا ہے ۔ دھماکہ میں قوی امکان ہے ریموٹ کنٹرول ڈیوائس کا استعمال کیا گیا ہو۔