لاہور ہائیکورٹ: سابق وزیراعلیٰ پنجاب چوہدری پرویز الہی کو مقدمات سے ڈسچارج کرنے کا معاملہ،پنجاب حکومت کی چوہدری پرویزالٰہی کو ڈسچارج کرنے کیخلاف درخواست پر سماعت ہوئی،
عدالت نے درخواست پر سماعت تھوڑی دیر تک ملتوی کردی ،عدالت میں فریقین کے وکلا نے دلائل دیئے،عدالت نے ریمارکس دیتے ہوئے کہا کہ ہم قانون ساز اداروں کے بنائے قوانین اور رولز پر سپروائزی کردار ادا نہیں کر سکتے ۔عدالت میں پرویز الٰہی کے وکیل عامر سعید راں نے دلائل دیے ،عامر سعید راں نے عدالتی حکم پر تحریری دلائل بھی پیش کر دیے
وکیل پرویز الٰہی نے عدالت میں کہا کہ پولیس کسی کو گرفتار کرنے کے بعد چوبیس گھنٹے تک تحویل میں رکھ سکتی ہے ،چوبیس گھنٹے کے بعد مجسٹریٹ اس شخص کی حراست کا فیصلہ کرتا ہے ،مجسٹریٹ پر منحصر ہے کی وہ اس شخص کا ریمانڈ دے یا جوڈیشل کر دے ،جوڈشل مجسٹریٹ ریمانڈ دیتے وقت اپنے فیصلے میں وجوہات لکھے گا ۔کسی شخص کے خلاف ریمانڈ کے لیے ٹھوس وجوہات نہ ہونے پر مجسٹریٹ اسکو مقدمہ سے ڈسچارج کر دے گا ۔
ایڈشنل پراسیکوٹر جنرل نے عدالت میں کہا کہ پولیس کسی بھی شخص کو تفتیش کے لیے پندرہ روز تک اپنی حراست میں رکھ سکتی ہے ۔اگر دوران تفتیش محسوس کرے کہ اس شخص کے خلاف مواد کافی نہیں تو وہ خود تفتیش میں ڈسچارج کرنے کی سفارش کر دیتی ہے ،عدالت نے ریمارکس دیتے ہوئے کہا کہ بادی النظر میں ڈسچارج کرنے کا اختیار مجسٹریٹ یا متعلقہ عدالت کو ہے۔ ایڈشنل پراسیکوٹر جنرل نے کہا کہ مجسٹریٹ نے انویسٹی گیشن پراسسس اور ریکوری کو غیر قانونی ایک سٹروک سے ختم کر دیا ۔ ڈیوٹی مجسٹریٹ کسی کی حراست کو غیر قانونی قرار نہیں دے سکتا ۔ڈیوٹی مجسٹریٹ کی زمہ داری ہے کہ وہ ایسے کیسوں کو ٹرائل کے لیے متعلقہ مجسٹریٹ کو بھیج دے ،متعلقہ مجسٹریٹ پندرہ روز میں ٹرائل کی بابت رپورٹ ڈسٹرکٹ اینڈ سیشن کو بھجوانے کا پابند ہے ،دوران سماعت عدالت نے وکلا کو کراس ٹاک کرنے سے روک دیا
حکومت پنجاب کی طرف سے ایڈشنل ایڈووکیٹ جنرل پنجاب غلام سرور نہنگ اور ایڈشنل پراسیکوٹر جنرل عبدالصمد خان پیش ہوئے، جسٹس سلطان تنویر احمد نے پنجاب حکومت کی درخواست پر سماعت کی ، حکومت کی درخواست میں متعقلہ ججز سمیت دیگر کو فریق بنایا ہے جس میں استدعا کی گئی ہے کہ عدالت جوڈیشل مجسٹریٹ کا مقدمات خارج کرنے کا اقدام غیر آئینی قرار دے،
پرویز الہیٰ کے خلاف ایک اور مقدمہ درج کر لیا گیا ،
Leave a reply
