لاہور میں یوم علی کا جلوس نکالا جائے گا یا نہیں، حکومت نے فیصلہ کر لیا

لاہور میں کورونا کے پیش نظر 21 رمضان یوم شہادت حضرت علی ؓ کا مرکزی جلوس نہیں نکالا جائے گا۔ کورونا کے پیش نظر 21 رمضان کا مرکزی جلوس نہیں نکالا جائے گا۔ پنجاب حکومت نے پولیس کی سفارشات پر جلوس انتظامیہ کو مطلع کر دیا۔ سول سیکرٹریٹ میں شیعہ علما اور جلوس انتظامیہ کے ساتھ اجلاس میں فیصلہ کیا گیا۔ اجلاس میں شیعہ علما کو 21 رمضان کا جلوس نہ نکالنے کی ہدایات جاری کر دی گئیں۔وبائی مرض کے خطرے کے پیش نظر جلوس کو نہ نکالنے کے لئے ہدایات جاری کی گئیں۔ یوم شہادت حضرت علی ؓ کا مرکزی قدیمی جلوس بھی نہیں نکالا جائے گا۔ ہرسال 21رمضان یوم شہادت علی ؓ کا قدیمی مرکزی جلوس اپنے روایتی راستوں سے ہوتا ہوا کربلا گامے شاہ اختتام پزیر ہوتا ہے۔ اجلاس میں سیکرٹری داخلہ پنجاب، کمشنر لاہور سیف انجم، ڈی سی دانش افضال، ایڈیشنل آئی جی رائے طاہر، سی سی پی او ذوالفقار حمید، ڈی آئی جی آپریشنز رائے بابر سعید،مرکزی جلوس کے شیعہ علما آغا شاہ حسین قزلباش، توقیر بابا سمیت دیگر نے شرکت کی۔