لاہور ویسٹ مینجمنٹ کمپنی کا اجلاس میاںاسلم اقبال سٹاف پر کیوں ہوئے برہم
باغی ٹی وی : لاہور 4فروری. صوبائی وزیر صنعت و تجارت میاں اسلم اقبال کی زیر صدارت پنجاب سرمایہ کاری بورڈ کے کمیٹی روم میں اجلاس ہوا. لاہور ویسٹ مینجمنٹ کمپنی کے زیر اہتمام جاری صفائی مہم اور ایل ڈبلیوایم سی کے امور کا جائزہ لیا گیا
صوبائی وزیر آپریشنل سٹاف کے مستند ڈیٹا کی عدم فراہمی اور شہر کی بعض سڑکوں پر تاحال کچرے کے ڈھیروں کی موجودگی پر برہم ہوئے .شہر کے بعض علاقوں سے کچرا نہ اٹھانے پر ایل ڈبلیوایم سی کے افسران کی سرزنش کی .
صوبائی وزیر کی شہر میں صفائی کی صورت حال بہتر بنانے کے لئے ایل ڈبلیوایم سی کے حکام کو آخری وارننگ دے دی . آپریشنل سٹاف کا مستند ڈیٹا آج شام تک فراہم کرنے کی ہدایت کر دی. آپریشنل سٹاف کی ڈیوٹی پر آنے اور جانے کی مکمل حاضری رپورٹ مرتب کر نے کی ہدایت کی
صوبائی وزیر نے ہدایات جاری کرتے ہوئے کہا کہ صفائی کی صورتحال اور عملے کی حاضری چیک کرنے کے لئے شہر کے اچانک دورے کروں گا، کسی علاقے یاسڑک پر کچرے کا ڈھیر نظر آیا تو ذمہ داروں کو نہیں چھوڑوں گا
میاںاسلم کا کہنا تھا کہ بہانے نہیں سنوں گا، مجھے نتائج چاہیئں. ایل ڈبلیوایم سی میں کام سے جی چرانے والوں کی کوئی گنجائش نہیں
وزیر اعلیٰ پنجاب نے لاہور ویسٹ مینجمنٹ کمپنی کے معاملات درست کرنے کی جو ذمہ داری دی ہے اسے پورا کروں گا
ہاؤسنگ سوسائٹیز کے ساتھ کچرا اٹھانے کے حوالے سے معاہدے کئے جائیں . سوسائٹیز کے باہر شہر کے علاقوں میں کوڑا پھینکنے والی سوسائٹیز کے خلاف پرچے درج کرائے جائیں . صوبائی وزیر کو آپریشنل سٹاف اور گاڑیوں کی شہر کی تمام یونین کونسلوں میں ریشنلائزیشن بارے بریفنگ دی گئی کہ 57مکینکل سوییپرز میں سے صرف 11اپریشنل ہیں،
صوبائی وزیر کی 10 فروری تک 28مکینکل سوییپرز آپریشنل بنانے کی ہدایت کردی
میاں اسلم اقبال نے کہا کہ دوسرے مرحلے میں تمام مکینکل سوییپرز آپریشنل ہوجانے چاہئیں، ایم ڈی لاہور ویسٹ مینجمنٹ کمپنی عمران علی، جی ایم آپریشنز، جی ایم پلاننگ، جی ایم ایچ آراور دیگر افسران کی اجلاس میں شرکت کی
