گورنر سندھ کامران ٹیسوری نے کہا ہے کہ کراچی میں پارکس کو دوبارہ بحال کررہے ہیں،کراچی کو کلین اینڈ گرین بنانے کی پالیسی پر عمل پیرا ہیں،
گورنر سندھ کامران ٹیسوری نے تقریب سے خطاب کرتے ہوئے کہا کہ پاک چائینہ فرینڈ شپ پارک کا افتتاح کردیا ہے ،کراچی کے تمام پارکس لینڈ مافیا سے واپس لے لیے جائیں گے،لینڈ مافیاز کراچی سے اپنا بوریا بسترگول کر دیں،لینڈ مافیا پار ک پر قبضے کا سوچ کر بیٹھی تھی ،ایڈمنسٹریٹر کراچی دن رات کام کررہے ہیں،کراچی میں پارکس کو دوبارہ بحال کر رہے ہیں،بطور گورنر سیاست میں کوئی کام نہیں ،بحیثیت وفاق کا نمائندہ میں پل کا کردار ادا کرسکتا ہوں ،
قبل ازیں گورنر سندھ کامران خان ٹیسوری سے میڈیا کے 11 رکنی وفد نے ملاقات کی۔اس موقع پر گورنرسندھ کامران ٹیسوری کا کہنا تھا کہ جمہوریت کے لئے صحافی برادری کی خدمات لائق تحسین ہیں ہر مشکل مرحلہ پر صحافی برادری نے بڑی دلیری سے جمہوریت کی آبیاری کی اس جدوجہد میں کئی صحافی شہید بھی ہوئے پوری قوم صحافت کے اس جذبہ کو بڑی قدر کی نگاہ سے دیکھتی ہے حکومت صحافیوں کی فلاح و بہبود کے لئے بھرپور اقدامات یقینی بنارہی ہے اس ضمن میں صحافیوں کے تحفظ کے لئے بل بھی منظور کیا جا چکا ہے اور صحافی برادری کے لئے ہاﺅسنگ سوسائٹی کا قیام بھی عمل میں لایا جارہا ہے صحافی مشکل وقت میں اپنی ذمہ داری ادا کررہے ہیں اس ضمن میں صحافیوں کو درپیش مشکلات کے خاتمہ کے لئے اپنا کردار ادا کروں گا۔ صحافی برادری سے میرا بڑا قریبی اور محبت بھرا رابطہ ہے گورنرہاﺅس میں صحافی بھائیوں سے ملاقات کو ترجیح دی جاتی ہے
خواتین کو دست درازی سے بچانے کیلئے سی سی پی او لاہور میدان میں آ گئے
شوہر نے بھائی اور بھانجے کے ساتھ ملکر بیوی کے ساتھ ایسا کام کیا کہ سب گرفتار ہو گئے
لڑکیوں سے بڑھتے ہوئے زیادتی کے واقعات کی پنجاب اسمبلی میں بھی گونج
