لڑکی کو گرل فرینڈ کہنے پر بھارتی سُپر اسٹار شاہ رخ خان کی پٹائی ہو گئی

بھارتی سپر اسٹار اور کنگ خان شاہ رخ کی ایک بار ایک لڑکی کو گرل فرینڈ کہنے پر نوجوانوں نے پٹائی کردی تھی اور شاہ رخ بڑی مشکل سے خود کو بچانے میں کامیاب ہوئے۔

باغی ٹی وی : بھارتی میڈیا کی ایک رپورٹ کے مطابق عالمی شہرت یافتہ بالی وڈ اسٹار شاہ رخ خان نے حال ہی میں بھارتی ٹی وی کے کپل شرما شو میں اس بات کا انکشاف کیا کہ ایک مرتبہ دہلی میں اُنہیں لڑکی کو اپنی گرل فرینڈ کہنے پر خوب مار کھانی پڑی تھی۔

شاہ رخ خان نے کپل شرما شو میں واقعے کی تفصیلات بتائیں کہ بہت پرانی بات ہے جب مجھے کوئی نہیں جانتا تھا تب میں ایک لڑکی کے ساتھ ریسٹورنٹ میں موجود تھا تو مجھ سے کچھ لڑکوں نے اُس لڑکی کے بارے میں پوچھا جس پر میں نے کہا یہ میری گرل فرینڈ ہے۔

بالی وڈ سُپر اسٹار شاہ رخ خان نے قہقہے لگاتے ہوئے مزید بتایا کہ نوجوان مجھے مارتے رہے اور ساتھ ہی یہ بھی کہتے رہے کہ گرل فرینڈ نہیں یہ تمہاری بھابھی ہے اور مجھ سے بھابھی کہلوانے پر زور بھی دیا۔

اس موقع پر کنگ خان نے ازراہ مذاق کہا کہ اس واقعے کے بعد سے میں بہت محتاط ہوگیا اور آج بھی اگر اپنی بیوی گوری کے ساتھ دہلی جاتا ہوں اور کوئی پوچھتا ہے کہ یہ کون ہے تو میں فوراً جواب دیتا ہوں کہ یہ ’بھابھی‘ ہے۔ شاہ رخ کی اس بات پر حاضرین بھی خوب لطف اندوز ہوئے-

شاہ رخ خان کو گوری خان سے شادی کرنے کے لئے کن مشکلات کا سامنا کرنا پڑا