لڑکی کے سیلفی کے جنون نے گزشتہ دنوں امریکہ میں ایک آدمی کو اپنی گرل فرینڈ سے بے وفائی کرتے رنگے ہاتھوں پکڑوا دیا۔
باغی ٹی وی: عالمی خبر رساں ادارے دی سن کے مطابق اس گرل فرینڈ کو اپنے بوائے فرینڈ پر شبہ تھا کہ اس کا کسی اور لڑکی کے ساتھ تعلق ہے اور وہ اس کے ساتھ بے وفائی کر رہا ہے تاہم اس کے پاس کوئی ثبوت نہیں تھا۔
دنیا بھر میں فیس بک، واٹس ایپ اور انسٹاگرام کی سروسز متاثر،صارفین کو مشکلات کا سامنا
کلوئی نامی اس لڑکی نے اپنے بوائے فرینڈ کی بے وفائی پکڑنے کے لیے ایسا طریقہ اختیار کیا کہ جان کر خفیہ ایجنسیوں کے ایجنٹ بھی حیران رہ گئے اس مقصد کے لیے اس نے انسٹاگرام کی مدد لی۔
اس نے انسٹاگرام کے ذریعے اپنے بوائے فرینڈ کی موجودگی کی جگہ کے بارے میں معلوم کیا، اس نے ایک ہوٹل سے ایک پوسٹ کی تھی۔ پھر کلوئی نے ایسی تمام لڑکیوں کے انسٹاگرام اکاﺅنٹ کھنگال ڈالے جنہوں نے اس روز اس ہوٹل کو وزٹ کیا تھا اور اسے ٹیگ کرتے ہوئے اپنی تصاویر پوسٹ کی تھیں۔
سروس میں بندش پر واٹس کا وضاحتی بیان جاری
تاہم ان اکاﺅنٹ کی پوسٹس کو ایک ایک کرکے کلوئی دیکھتی چلی گئی اور پھر ایک لڑکی کے اکاﺅنٹ پر پوسٹ کی گئی ایک تصویر میں اسے اپنا بوائے فرینڈ نظر آ گیا یوں اس کے ہاتھ اپنے بوائے فرینڈ کی بے وفائی کا ایسا ثبوت لگ گیا جس کی وہ تردید نہیں کر سکتا تھا۔
دی سن کے مطابق کلوئی کی جاسوسی کی یہ کہانی اس کی ایک دوست نے ٹک ٹاک اکاﺅنٹ پر لوگوں کو سنائی ہے اس ویڈیو کے کیپشن میں کلوئی کی دوست لکھتی ہے کہ ایم آئی 5یا ایف بی آئی والوں کو میری اس دوست کو بھرتی کر لینا چاہیے ٹک ٹاک پر یہ ویڈیو بہت وائرل ہو رہی ہے-
