انقرہ :عمران خان اور طیب اردوان ساتھ ساتھ ،کپتان کی طرح ترک صدر نے امریکہ کوکھری کھری سنادیں،اطلاعات کے مطابق ترک صدر رجب طیب اردوان نےکہا ہےکہ امریکا نے ایف 35 لڑاکا طیاروں کے پروگرام میں ادائیگی کے بدلے ایف 16 طیاروں کی فروخت کی پیشکش کی ہے تاہم ترکی ایف 35 لڑاکا طیاروں کے پروگرام میں اپنی سرمایہ کاری کی واپسی چاہتا ہے۔
استنبول ائیرپورٹ پر صحافیوں سےگفتگو کرتے ہوئے اردوان نےکہا کہ ترکی نے امریکا کے ایف 35 پروگرام کے 1.4 ارب ڈالرکی ادائیگی کی تھی،جس کے بدلے امریکا نے ایف 16 طیاروں کی فروخت کی پیشکش کی ہے۔
خیال رہے کہ روسی دفاعی نظام کی خریداری پر امریکا نے 2019 میں ترکی کو نیٹو کے ایف 35 طیاروں کے پروگرام سے الگ کردیا تھا۔
گزشتہ ماہ خبرایجنسی نے اپنی رپورٹ میں کہا تھا کہ ترکی نےامریکا سے 40 ایف 16 طیارے اور 80 ماڈرنائزیشن کِٹ خریدنے کی درخواست کی ہے۔
یہ بھی یاد رہے کہ ترکی کے امریکہ کے سامنے اکڑجانے سے امریکہ سخٹ ناراض ہے اورترکی کے ساتھ براہ راست جنگ کی بجائے ڈالر کے ساتھ معاشی طورپرکمزورکررہاہے،جیسا کہ پاکستان اب ڈالرکے حملوں میں بار بار نقصان اٹھارہاہے
