اسلام آباد :کان کھول کرسُن لیں: انکم ٹیکس گوشوارےجمع کرانےکی تاریخ میں اب توسیع نہیں ہوگی،اطلاعات کے مطابق ایف بی آر نے واضح کیا ہے کہ انکم ٹیکس گوشوارے جمع کرانے کی تاریخ میں توسیع نہیں کی جائے گی اور آج ٹیکس گوشوارے جمع کروانے کی آخری تاریخ ہے۔
ایف بی آر کی جانب سے بتایا گیا ہے کہ انفرادی طور پر، ایسوسی ایشن آف پرسنز اور کمپنیز کیلئے ٹیکس گوشوارے جمع کروانے کی آج حتمی تاریخ ہے۔ رات 12 بجے تک ٹیکس ریٹرن فائل کیے جاسکتے ہیں اورٹیکس گزار قانونی پیچیدگیوں سے بچنے کیلئے گوشوارے داخل کرلیں۔
ایف بی آر نے واضح کیا کہ اس مقصد کیلئے آئرس سسٹم روانی سے چل رہا ہے۔28 ستمبر کو تقریبا 1 لاکھ 50 ہزار گوشوارے داخل کئے گئے جو کسی ایک دن میں داخل کئے جانے والےگوشواروں کی سب سے زیادہ تعداد ہے۔
ایف بی آر نے مزید بتایا ہے کہ گزشتہ سال کی طرح ایف بی آر نے اپنے سسٹم کی استعداد کار میں اضافہ کیا ہے اور اس کا مقصد ٹیکس دہندگان کوبہترین سہولیات فراہم کرنا ہے۔
دوسری طرف ترجمان ٹیکس بارایسوسی ایشن شہبازصدیق ٹیکس بارایسوسی ایشن نے اپیل کرتے ہوئے کہا ہے کہ ایف بی آر سے گوشوارے جمع کرانے کی تاريخ ميں توسیع کا مطالبہ کیا ہے۔
ترجمان ٹیکس بارایسوسی ایشن شہبازصدیق نے بتایا ہے کہ کرونا،آئی ٹی نظام میں خرابی کے باعث20 لاکھ افراد گوشوارے جمع نہیں کراسکے ہیں اور اگر توسیع نہ ہوئی تو100 ارب روپے کا ٹیکس جمع نہیں ہوگا۔
