کراچی: لیاری میں رہائشی عمارت جُھک گئی،علاقے میں خوف و ہراس

کراچی: لیاری میں رہائشی عمارت جھک گئی، کسی بھی ناخوشگوار واقعے سے قبل بلڈنگ کو خالی کرالیا گیا ہے۔

باغی ٹی وی : تفصیلات کے مطابق کراچی کےعلاقےلیاری میں یعقوب شیراروڈ گلی نمبر سات میں رہا ئشی عمارت ایک طرف جھک گئی جبکہ قریبی بلڈنگ کے رہائشی خوفزدہ ہوکرباہر نکل آئے، عمارت کو فوری طور پر ناقابل رہائش قرار دیکر خالی کرالیا گیا ہے اس کے علاوہ قریبی بلڈنگ کے رہائشی خوفزدہ ہوکرباہرنکل آئے۔

کراچی: واش روم میں کیمروں کا مقصد کیا تھا؟ اسکول انتظامیہ کا موقف سامنے آ گیا

واقعے کی اطلاع ملنے پر مقامی پولیس موقع پر پہنچی اور کسی ناخوشگوار واقعے سے نمٹنے کے لئے اطراف کی گلیاں سیل کردیں فوری طور پر عمارت کو خالی کرالیا گیا ہے اور ایس بی سی اے حکام کو آگاہ کردیا گیا ہے، عمارت رہنے کے قابل نہیں ہے اس بات کا قوی امکان ہے کہ ایس بی سی اے حکام کے معائنے کے بعد عمارت کو مسمار کیا جائے گا۔

حفاظتی انتظامات کے پیش نظر انتظامیہ نے اطراف کی چھ مکانات کو خالی کرنے کا حکم دیا ہے۔

ناظم جوکھیو قتل، تفتیش کیلئے ایس ایس پی ملیر کی سربراہی میں پولیس کی 8 رکنی مشترکہ…

علاقہ مکینوں کا کہنا ہے کہ عمارت کی بنیادیں ہی کمزور ہیں اور یہ تعمیرکےوقت سےہی ٹیڑھی ہے جب عمارت کی تعمیر جاری تھی تو اس وقت بھی احتجاج کیا گیا تھا تو بلڈر نےکہا کہ 2منزل بنارہےہیں بعد میں 6 منزلہ عمارت تعمیرکردی-

اہلِ علاقہ کا یہ بھی کہنا ہے کہ اگست میں بھی ایس بی سی اے کو اس سلسلے میں آگاہ کیا گیا لیکن ان کی جانب سے کوئی کارروائی نہیں کی گئی کئی گھنٹےگزرجانےکےباوجودایس بی سی اےٹیم عمارت کامعائنہ کرنےناپہنچی، حکام کا کہنا ہے کہ عمارت کی تعمیرمیں ناقص مٹیریل استعمال کیا گیا۔

کراچی: نسلہ ٹاور کو گرانے کے لئے دو کمپنیاں منتخب