کنٹرول لائن پر بھارتی اشتعال انگیزی، فائرنگ سے پاک فوج کا جوان شہید

بھارتی فوج کی طرف سے لائن آف کنٹرول پر فائرنگ کے نتیجہ میں پاک فوج کا ایک اور بہادر جوان شہید ہو گیا ہے،

باغی ٹی وی کی رپورٹ کے مطابق پاک فوج کے شعبہ تعلقات عامہ (آئی ایس پی آر) کی جانب سے بتایا گیا ہے کہ بھارتی فوج نے لائن آف کنٹرول کے حاجی پیر سیکٹر پر بلا اشتعال فائرنگ کی جس کے نتیجہ میں پاک فوج کا ایک جوان شہید ہوا، اس دوران افواج پاکستان کی جانب سے بھی ہندوستانی اشتعال انگیزی کا بھرپور جواب دیا گیا جس سے دشمن کی توپیں خاموش ہو گئیں،

بھارتی فوج کی فائرنگ کے نتیجے میں شہید ہونے والے فوجی اہلکار غلام رسول کا تعلق بہاولنگر سے بتایا گیا ہے،