لڑکے نے لڑکی کو گولی مار کر خودکشی کرلی

اسلام آباد: تھانہ کھنہ کی حدود میں لڑکے نے لڑکی کو گولی مار کر خودکشی کرلی۔

باغی ٹی وی: اسلام آباد کے علاقے تھانہ کھنہ کی حدود میں لڑکے نے لڑکی کو گولی مار کر قتل کردیا، اور پھر خود کو بھی گولی مار کر خودکشی کرلی، پولیس حکام کے مطابق واقعہ سوہان یونین کونسل گلی نمبر 5 کے پاس گھر میں پیش آیا، جہاں لڑکے نے گھر میں گھس کر ایک طالبہ کو گولی مار دی، جس کی شناخت طوبیٰ شہزادی کے نام سے ہوئی، جبکہ لڑکے کی شناخت آکاش کے نام سے ہوئی ہے۔

دوسری جانب لاہور پولیس نے شیخوپورہ میں میاں بیوی کو قتل کرنے والے ملزم کو بیوی سمیت گرفتار کرلیا، لاہور کے علاقے نشتر کالونی انویسٹی گیشن پولیس نے میاں بیوی کے قتل میں ملوث ملزمان کو گرفتار کر لیا ہےپولیس حکام کے مطابق فرزانہ نامی خاتون کو اس کے شوہر سمیت شیخوپورہ میں قتل کیا گیا تھا، ملزمان نے میاں بیوی کو قتل کرنے کے بعد لاشیں لاہور کے علاقے نشتر کالونی میں پھینک دی تھیں، قتل میں ملوث ملزمان علی حسن اور اسکی بیوی کلثوم کو گرفتار کر لیا گیا ہے، اور ان کے قبضے سے آلہ قتل بھی برآمد کر لیا گیا ہے۔