ایوارڈ کو کبھی اہمیت نہیں دی مداحوں کا پیار ہی بہترین ایوارڈ ہے بوبی دیول

بالی وڈ اداکار بوبی دیول کا کہنا ہےکہ انہوں نے ایوارڈز کو کبھی بھی اہمیت نہیں دی لیکن میرے خیال میں ایوارڈز اس لیے خاص ہو جاتے ہیں کیونکہ اس سے آپ کے مداح خوش ہو جاتے ہیں-

باغی ٹی وی : بھارتی میڈیا رپورٹس کے مطابق بوبی دیول کو حال ہی میں ہندی کرائم سیریز ’آشرم‘ میں بہترین اداکاری کے جوہر دکھانے پر ’بیسٹ ایکٹر‘ کے ایوارڈ سے نوازا گیا ہے۔

تاہم بھارتی میڈیا کو دیئے گئے ایک انٹرویو میں بوبی دیول نے کہا کہ ان کے والد دھرمیندر ایک لیجنڈ اداکار ہیں اور انہیں ان کی زندگی میں ایک بھی ایوارڈ سے نہیں نوازا گیا مجھے لگتا ہے کہ انہیں اس کی ضرورت بھی نہیں ہے کیونکہ میرے والد کو لوگوں سے اس قدر پیار ملا یہی ان کا ایوارڈ ہے۔

بالی ووڈ اداکار نے کہا کہ میرے خیال میں ایوارڈز اس لیے خاص ہو جاتے ہیں کیونکہ اس سے آپ کے مداح خوش ہو جاتے ہیں، یہ مداحوں کو تحفہ دینے کے مترادف ہیں جب آپ کو ان کی جانب سے پیار اور حوصلہ افزائی موصول ہوتی ہے۔

خیال رہے کہ بوبی دیول ان دنوں اپنے پروجیکٹ ’اینیمل‘ کی شوٹنگ میں مصروف ہیں اور اس میں ان کے ساتھ اداکار رنبیر کپور بھی نظر آئیں گے۔

بالی ووڈ کی بلاک بسٹر فلم ’دل والے دلہنیا لے جائیں گے‘ میں کی جانےوالی غلطیاں

بگ باس سیزن 14 کی چیلنجرز کھلاڑی عرشی خان کی بالی وڈ میں انٹری