تاریخی مدرسے دارالعلوم دیوبند میں خواتین اور لڑکیوں کے داخلے پر پابندی

بھارت کے معروف ،تاریخی دینی مدرسے دارالعلوم دیو بند میں خواتین اور لڑکیوں کا داخلہ بند کر دیا گیا ہے، انتظامیہ کی جانب سے کہا ہے کہ مدرسے کے احاطے میں خواتین کو اب آنے کی اجازت نہیں دی جائے گی

دارالعلوم دیوبند کے سربراہ مفتی ابوالقاسم نعمانی نے اس ضمن میں ہدایت نامہ جاری کیا ہے جس میں کہا گیا ہے کہ دارالعلوم کے احاطے میں خواتین اور لڑکیوں کا داخلہ سختی سے منع کر دیا گیا ہے سیکورٹی عملہ خواتین اور لڑکیوں کو اندر ہر گز نہ آنے دیں،دارالعلوم دیوبند میں خواتین اور لڑکیوں کے داخلے پر پابندی عوامی حلقوں کی جانب سے اس اعتراض کے بعد لگائی گئی کہ خواتین اور لڑکیاں ویڈیو بناتی ہیں، تصاویر بناتی ہیں اور پھر سوشل میڈیا پر ریل اور ٹک ٹاک پر اپلوڈ کرتی ہیں، جس سے دارالعلوم دیوبند کو نہ صرف بھارت بلکہ دنیا بھر میں بدنام کیا جا رہا ہے کہ خواتین اور لڑکیاں دارالعلوم دیوبند میں جا کر ویڈیوز بنا کر سوشل میڈیا پر اپلوڈ کر رہی ہیں

دارالعلوم دیوبند کے سربراہ مولانا مفتی ابوالقاسم نعمانی کا کہنا ہے کہ راشدیہ مسجد میں خواتین اور لڑکیوں کے داخلے پر پہلے ہی پابندی تھی جسے اب پورے کمپلیکس میں نافذ کر دیا گیا ہے، سیکورٹی عملے کو سختی سے ہدایت کی گئی ہے کہ وہ خواتین اور لڑکیوں کو پابندی کے حوالہ سے آگاہ کریں اور کسی کو گیٹ سے اندر نہ آنے دیں،

دارالعلوم دیوبندایک دینی مدرسہ ہے جہاں طلبا کی بڑی تعداد زیر تعلیم ہے، دینی مدرسے کے احاطے میں خواتین کی جانب سے آ کر ویڈیو بنانے کا معاشرے میں اچھا اثر نہیں جا رہا تھا،اب دارالعلوم دیوبند میں نیا تعلیمی سیشن بھی شروع ہو گیا ہے، زیادہ رش کی وجہ سے طلبا کی پڑھائی بھی متاثر ہوتی ہے، انتظامیہ کا کہنا ہے کہ دارالعلوم دیوبند تاریخی مقام ہے لیکن یہاں بے حیائی کی حدیں پار کرنے کی ہر گز اجازت نہیں دی جائے گی،خواتین نے ریل میں نامناسب حرکات بھی کیں جس پر نہ صرف بھارت بلکہ بیرون ملک سے بھی دارالعلوم دیوبند کی انتظامیہ کو پیغامات موصول ہوئے تھے.

بشریٰ بی بی کامیڈیکل چیک اپ کروایا جائے، تحریک انصاف کا مطالبہ

بشریٰ بی بی کو زہر دے کر عمران خان کو جھکانے کی کوشش کی جارہی ہے،زرتاج گل

کھانے میں زہر،کوئی ثبوت ہے؟ صحافی کے سوال پر بشریٰ بی بی "لال” ہو گئیں

توشہ خانہ کیس میں عمران خان اور بشریٰ بی بی کی سزا معطل 

زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے

خاور مانیکا انٹرویو اور شاہ زیب خانزادہ کا کردار،مبشر لقمان نے اندرونی کہانی کھول دی

ریحام خان جب تک عمران خان کی بیوی تھی تو قوم کی ماں تھیں

خاور مانیکا کے انٹرویو پر نواز شریف کا ردعمل

غیر شرعی نکاح کیس،سابق وزیراعظم عمران خان اور بشری بی بی پر فرد جرم عائد