ماہ نور بلوچ کی شوبز میں واپسی ہو رہی ہے؟ #Baaghi
پاکستانتازہ ترین

ماہ نور بلوچ کی شوبز میں واپسی ہو رہی ہے؟

4 سال قبل
4 سال قبل

پاکستان شوبز انڈسٹری کی نامور اداکارہ ماہ نور بلوچ کی اداکار فیصل قریشی اور اعجاز اسلم کے ساتھ ویڈیو سوشل میڈیا پر وائرل ہوگئی جس کے بعد چہ میگوئیاں جاری ہیں کہ اداکارہ کی شوبز میں واپسی متوقع ہے۔

باغی ٹی وی : مائیکرو بلاگنگ ویب سائٹ ٹوئٹر پر اعجاز اسلم نے ایک مختصر بوم رینگ ویڈیو شیئر کی ہے جس میں اداکار کے ساتھ ماہ نور بلوچ اور فیصل قریشی کو بھی دیکھا جاسکتا ہے۔


اعجاز اسلم نے ویڈیو کو ایک مزاحیہ کیپشن دیتے ہوئے لکھا کہ آدمیوں کے ماہ نور بلوچ کے ساتھ اصلی والی ماہ نور بلوچ۔

اداکار نے اپنے مداحوں سے مخاطب ہوتے ہوئے لکھا کہ مزید معلومات کے لیے ہمارے ساتھ رہیں۔

دوسری جانب اداکار نے اپنے ٹوئٹ میں ایک نجی ٹی وی چینل کو بھی ٹیگ کیا جس کے بعد واضح ہورہا ہے کہ ماہ نور بلوچ بہت جلد فیصل قریشی اور اعجاز اسلم کے ہمراہ ایک نجی ٹی وی چینل پر جلوہ گِر ہوں گی۔

تاہم اداکار نے یہ واضح نہیں کیا کہ ماہ نور بلوچ کسی ڈرامے میں نظر آئیں گی یا پھر پروگرام میں۔


ایک اداکار نے کہا کہ میں ان کو اپنے بچپن سے ایسے ہی دیکھ رہاہوں میں بڑا اور شادی شدہ ہو گیا لیکن یہ ویسے کی وہسی ہیں-

واضح رہے کہ ماہ نور بلوچ 14 جولائی 1970 کو بلوچستان میں پیدا ہوئی تھیں، 50 سالہ فنکارہ نے 23 برس کی عمر میں اپنے شوبز کیریئر کا آغاز کیا تھا۔1993 میں ڈرامہ سیریل ’ماروی‘ سے فنی سفر کا آغاز کرنے والی ماہ نور بلوچ اداکاری اور ماڈلنگ کے علاوہ ڈائریکشن اور پروڈکشن کے میدان میں بھی اپنی صلاحیتوں کا لوہا منوا چکی ہیں۔

ماہ نور بلوچ ایک شادی شدہ بیٹی کی ماں ہیں لیکن وہ اپنی بیٹی کی ماں کم اور دوست زیادہ نظر آتی ہیں وہ زندگی کی 50 بہاریں دیکھنے کے بعد بھی خوبصورت اور جوان نظر آتی ہیں۔ تاہم سوشل میڈیا پر ماہ نور بلوچ کی تصاویر دیکھ کر شائقین سمجھ نہیں پاتے کہ آخر ماہ نور بلوچ پر بڑھتی عمر کے اثرات واضح کیوں نہیں ہو رہے-

ٹیگز:
زمرہ جات:
پاکستانتازہ ترینشوبز
Shares:

مزید خبریں