ماہ نور بلوچ نے بتا دیا انہوں نے شوبز میں کام کرنا کیوں چھوڑا ؟

سینئر اداکارہ ماہ نور بلوچ جنہوں نے کافی سال پہلے شوبز کو خیرباد کہہ دیا تھا ، انہوں نے ہمایوں سعید کے ساتھ میں‌ہوں شاہد آفریدی میں کام بھی کیا. اس کے بعد بھی ان کے مداح ان کو دیکھنا چاہتے تھے لیکن انہوں نے شوبز سے کنارہ کشی اختیار کر لی. ماہ نور انٹرویوز بھی نہ ہونے کے برابر دیتی ہیں انہوں نے اپنے حالیہ انٹرویو میں بتایا ہے کہ کیوں انہوں نے شوبز کو خیرباد کہا یا کیوں انہوں نے کام کرنا چھوڑ دیا. انہوں نے کہا کہ ہمارے ہاں عورتوں کے لئے خاص قسم کے رولز لکھے جاتے ہیں اس سے آگے ان کو نہ کام دیا جاتا ہے نہ ہی ان کے لئے کردار لکھے جاتے ہیں. انہوں نے

کہا کہ ہالی وڈ دیکھ لیں وہاں نکول کڈ مین آج بھی کام کررہی ہے اور وہاں لوگ ان کے کام کو قبول بھی کررہے ہیں. انہوں نے کہا کہ ہمارے ڈرامے بس اسی چیز سے نہیں نکلے کہ ایک لڑکی ہے ایک لڑکا ہے دونوں محبت کرتے ہیں ان کے درمیان کوئی تیسری لڑکی آگئی ہے. انہوں نے یہ بھی کہا کہ 55 سال کا مرد بھی ہمارے ہاں ہیرو ہی رہتا ہے لیکن خواتین کو رد کر دیا جاتا ہے انکو انکی صلاحیتوں کے حساب سے کام نہیں‌دیا جاتا.