نامور سٹیج اداکارہ ماہ نور نے ایک شکوہ کر دیا ہے اور وہ شکوہ یہ ہے کہ آج تک اسٹیج سے کسی خاتون اداکارہ کو پرائیڈ آف پرفامنس نہیں مل سکاجو کہ بہت ہی زیادتی ہے سٹیج پر کام کرنے والی خواتین کسی بھی دوسرے میڈیم میں کام کرنے والی خواتین سے کم نہیں ہیں. انہوں نے کہا کہ ریڈیو ، فلم ،ٹی وی اور سٹیج سے وابستہ بہت سارے مرد فنکاروں کو تو پرائیڈ آف پرفارمنس دئیے گئے ہیں لیکن خاتون اداکاروں کو ہمیشہ سے نظر انداز کیا جارہا ہے ۔
ماہ نور نے کہا کہ میری اپیل ہے کہ ”جب بھی پرائیڈ آف پرفارمنس کمیٹی بیٹھے تو وہ اسٹیج سے خاتون اداکارہ کی بھی نامزدگی کرے ”۔انہوں نے کہا کہ اسٹیج کے علاوہ شوبز کے دیگر میڈیم سے ایسی بہت سی خواتین اداکاروں کو پرائیڈ آف پرفارمنس ملا ہے جن کے کریڈٹ پر کوئی کام بھی نہیں لیکن یوں لگتا ہے اس کے پیچھے تگڑی سفارش کام آئی ہے . انہوں نے کہا کہ حکومت کو چاہیے کہ وہ اس طرف بھی توجہ دے. یاد رہے کہ ماہ نور سٹیج کی ایک معروف اداکارہ ہیں، وہ اکثر اپنے بولڈ ڈانس کی وجہ سے تنقید کا نشانہ رہتی ہیں. آج کل انکا اداکارہ خوشبو کے ساتھ جھگڑا چل رہا ہے.
