fbpx

میں کبھی اداکارہ نہیں بنانا چاہتی تھی لوگ مجھے دیکھتے تھے تو مجھے بہت عجیب لگتا تھا روینہ ٹنڈن

تیس سال قبل نوے کی دہائی میں بالی ووڈ میں اپنے کیرئیر کا آغاز کرنے والی بالی ووڈ کی ماضی کی معروف اداکارہ روینہ ٹنڈن کا کہنا ہے کہ وہ کبھی اداکارہ نہیں بننا چاہتی تھیں کیونکہ میں ایک پُر اعتماد لڑکی نہیں تھی-

باغی ٹی وی :اداکارہ روینہ ٹنڈن نے بھارتی میڈیا کو دیئے گئے انٹرویو میں انکشاف کیا کہ میں کبھی بھی اداکارہ نہیں بننا چاہتی تھی کیونکہ میں ایک پُر اعتماد لڑکی نہیں تھی۔

روینہ ٹنڈن نے کہا کہ میں جب چھوٹی تھی تو ناخن کھاتی تھی اور اسکول میں بیک بینچر تھی جب لوگ مجھے دیکھتے تھے تو مجھے بہت عجیب لگتا تھا، میں لوگوں کا سامنا کرتے ہوئے بہت گھبراتی تھی لیکن میں نے اسکول میں اداکاری کی کچھ سرگرمیوں میں بھی حصہ لیا تھا اور ہمیشہ مجھے مرکزی کردار ملا ساتھ ہی انہوں نے کہا کہ میں اسکول میں اداکاری تو کرتی تھی لیکن گھبراتی بھی بہت تھی۔

اداکارہ نے کہا کہ میں نے جب بالی ووڈ میں اپنے کیرئیر کا آغاز کیا تو پروڈیوسر اور ہدایتکار میرے والد کو کہتے تھے کہ یہ تو گھر کی بچی ہے یہ تو باآسانی اپنا کیرئیر بنالے گی تاہم میرے والد نے مجھے کہا جو کرنا ہے اپنی محنت سے کرو اور میں نے اپنی لگن اور مہارت کی بنا پر ہی اپنا کیرئیر بنایا۔

واضح رہے کہ روینہ ٹنڈن نے 1995 میں چھایا اور پوجا نامی دو بچیوں کوگود لیا تھا جب کہ انہوں نے 2004 میں فلم ڈسٹری بیوٹر انیل ٹنڈانی کے ساتھ شادی کی تھی جس سے ان کے اپنے دو بچے بیٹی راشا اور بیٹا رنبیر ہیں۔

جواب چھوڑیں

آپ کا ای میل ایڈریس شائع نہیں کیا جائے گا.