شہری کو کال کرکے گھر سے بلایا اور قتل کردیا گیا

اوگی، نامعلوم افراد نے شہری کو گھر سے بلا کر قتل کر دیا

مانسہرہ۔اوگی کے گاؤں شاہ کوٹ میں نامعلوم افراد نے ایک شخص کو گھر سے بلا کر قتل کر کے نعش ویرانے میں پھینک دی۔ اطلاع پر اوگی پولیس نے نعش قبضہ میں لیکر پوسٹ مارٹم کے بعد لواحقین کے حوالہ کر دی۔عبدالشاہین شاہ ولد فریدون ساکن کوہستان حال اوگی شاہکوٹ اپنے گھر میں موجود تھا کہ اسے نامعلوم افراد کی کال آئی جس پر وہ کال سنتے گھر سے باہر چلا گیا، کافی دیر بعد جب واپس نہ آیا تو گھر والوں نے تلاش شروع کر دی، رات بھر اس کاکوئی پتہ نہ چل سکا۔ صبح اس کی نعش ایک کھائی سے ملی جسے فائرنگ کر کے قتل کر دیا گیا تھا۔ پولیس نے نعش قبضہ میں لیکر پوسٹ مارٹم کے بعد لواحقین کے حوالہ کر دی اور نامعلوم افراد کے خلاف مقدمہ درج کر کے تفتیش شروع کر دی۔ پولیس کے مطابق مقتول کے خاندان کی کوہستان میں 22 سال سے دشمنی بھی چلی آ رہی ہے۔