منگنی کے حوالے سے جنت مرزا کا بیان سامنے آگیا

ٹک ٹاک اسٹار اور ماڈل جنت مرزا کے بارے میں خبریں گردش تھیں کہ ممکنہ طور پر ان کی بات ’پکی‘ ہو گئی ہے تاہم اب اس حوالے سے جنت مرزا کا بیان سامنے آ گیا ہے-

باغی ٹی وی : تفصیلات کے مطابق جنت مرزا نے اپنے قریبی دوست اورٹک ٹاک اسٹار عمر بٹ سے منگنی کر لی ہے اس حوالے سے ان کے ایک کمنٹ کا اسکرین شاٹ بھی وائرل ہورہا ہے جس میں جنت مرزا سے ایک صارف نے سوال کیا کہ کیا آپ کی بات پکی ہو گئی ہے؟

صارف کی جانب سے کیے جانے والے سوال کے جواب میں اداکارہ نے (بی پی) یعنی بات پکی لکھ کے جواب دیا۔ جس کے بعد سے خبرین گردش میں تھیں کہ دونوں کی منگنی ہو گئی ہے-

تاہم اب اس حوالے سے جنت مرزا کا بیان بھی سامنے آ گیا ہے –

اس حوالے سے جنت مرزا نے فوٹو اینڈ ویڈیو شیئرنگ ایپ انسٹاگرام پر موجود اپنے آفیشل اکاؤنٹ پر خصوصی اسٹوری شیئر کی۔

جنت مرزا نے اپنی انسٹاگرام اسٹوری میں اپنے دوست عُمر بٹ کے ہمراہ عیدالفطر کی اپنی خوبصورت تصویر شیئر کی۔

ٹک ٹاک اسٹار نے تصویر شیئر کرتے ہوئے لکھا کہ ’ہماری منگنی نہیں ہوئی ہے۔‘

اُنہوں نے کہا کہ ’جب بھی منگنی یا بات پکّی ہوگی تو میں اپنے تمام مداحوں کو ضرور بتاؤں گی لیکن فی الحال ایسا کچھ نہیں ہے۔‘

جنت مرزا اور عُمر بٹ ایک دوسرے کی ویڈیوز میں دکھائی دیتے ہیں اور ان کی منگنی اور شادی کے حوالے سے خبریں اس سے قبل بھی کئی بار خبروں کی زینت بنی ہیں۔

واضح رہے کہ پاکستان کے شہر فیصل آباد سے تعلق رکھنے والی ٹک ٹاک اسٹار اور حال ہی میں ایکٹنگ ڈیبیو کرنے والی اداکارہ جنت مرزا کو ٹک ٹاک پر 15 ملین صارفین نے فالو کرلیا ہے اور وہ پاکستان کی پہلی ٹک ٹاکر بن گئی ہیں جو اتنے زیادہ مداح رکھتی ہیں۔

اس وقت انسٹاگرام پر جنت مرزا کے دو اعشاریہ ایک ملین یعنی 21 لاکھ فالوورز ہیں جبکہ انسٹاگرام پر انہوں نے ایک ہزار سے زائد پوسٹس کی ہوئی ہیں جن میں ان کی دلکش تصاویر اور ٹک ٹاک ویڈیوز شامل ہیں۔