مارچ میں بیرون ملک سے ورکرز ترسیلات زر کتنی رہیں،اسٹیٹ بینک نے تفصیلات جاری کردیں

کراچی: اسٹیٹ بینک آف پاکستان نے بیرون ملک سے بھیجی جانے والی ورکرز ترسیلات زرکی تفصیلات جاری کر دیں-

باغی ٹی وی :سٹیٹ بینک کے مطابق مارچ میں بیرون ملک سے ورکرز ترسیلات زر 2 ارب 80 کروڑ ڈالرز رہیں مارچ 2022میں بیرون ملک سے رقوم کسی ایک مہینے کی سب سے زیادہ ترسیلات ہیں –

رپورٹ کے مطابق مارچ کی ترسیلات فروری کے مقابلے میں 28 فیصد زیادہ ہیں مارچ میں سعودی عرب میں مقیم پاکستانیوں نے 67 کروڑ ڈالر پاکستان بھیجے –

اسٹیٹ بینک کے مطابق عرب امارات سے پاکستانیوں نے 51 کروڑ ڈالر ملک میں بھیجے اسی مہینے میں برطانیہ سے پاکستانیوں کی جانب سے 40 کروڑ ڈالر اور امریکہ سے 30 کروڑ ڈالر پاکستان بھیجے گئے ۔

واضح رہے کہ وفاقی حکومت نے فیصلہ کیا ہے کہ اسٹیٹ بینک آف پاکستان ہفتے میں چھ دن کام کے لیے کھلا رہے گا گزشتہ روز اسٹیٹ بینک نے رمضان المبارک کے مہینے میں بینکوں کے نئے اوقات کا ر کا اعلان کیاتھا جن پر تمام بینک، ترقیاتی مالی ادارے (ڈی ایف آئیز) اور مائیکروفنانس بینک بھی عملدرآمد کریں گے۔

تحریک انصاف کے پشاور جلسے میں کتنے لوگ تھے؟

اسٹیٹ بینک کا کہنا تھا کہ دفتر کے اوقات پیر تا جمعرات اور ہفتے کو صبح 8 بجے تا دوپہر 3 بجے ہوں گے، جس میں دوپہر 1 بجے تا 1 بج کر 30منٹ تک وقفہ برائے نماز ہو گا اور جمعے کے دن دفتر کے اوقات کسی وقفے کے بغیر صبح 8 بجے تا دوپہر 1 ایک بجے تک ہوں گے۔

اسٹیٹ بینک نے دیگر بینکوں /مائیکروفنانس بینکوں کو مزید ہدایت کی کہ وہ عوام سے لین دین کے لیے درج ذیل کم از کم کاروباری (بینکاری) اوقات پر پیر تا جمعرات اور ہفتہ کے دن صبح 8 بجے تا دوپہر 1 بجے نماز کے وقفے کے بغیر جبکہ جمعہ کے دن دفتر کے اوقات کسی وقفے کے بغیر صبح 8 بجے تا دوپہر12 بجے تک ہوں گے۔

وزیر اعظم کا پشاور موڑ تا نیو اسلام آباد ائیرپورٹ میٹرو بس کا زیرالتواء منصوبہ جلد مکمل کرنے کی…