مردوں کا خواتین کو چائے پیش کرنے کے مناظر نشر کرنے پر پابندی

تہران: حکومت کی جانب سے ایرانی ٹی وی چینلز پرخواتین کو پیزا کے ساتھ دکھانے پر پابندی عائد کر دی گئی ہے-

غیر ملکی خبر رساں ادارے کے مطابق ایرانی سنسر شپ کی جانب سے ٹی وی چینلز کے لیے نئے قوانین جاری کر دیئے گئے ہیں جس کے مطابق اسکرین پر خواتین کو پیزا کے ساتھ دکھانے پر پابندی لگا دی گئی ہے۔

فاسٹ فوڈز اور ٹریفک حادثات وقوانین کی خلاف ورزی کے درمیان حیران کن تعلق کا انکشاف

اس کے علاوہ ڈراموں کے دوران مردوں کا چائے خواتین کو پیش کرنے کے مناظر بھی نشر کرنے سے روک دیا گیا ہے جبکہ خواتین کے چمڑے کے دستانے پہننے پر بھی پابندی ہو گی۔

حکومت کی جانب سے جاری کردہ نئے قوانین میں خواتین کو لال رنگ کے مشروب کے ساتھ بھی نہیں دکھایا جائے گا۔

ایرانی حکومت کی جانب سے جاری کردہ نئے قوانین پر سختی سے عملدرآمد کا حکم دیا گیا ہے بصورت دیگر ٹی وی چینلز کو پابندیوں کا سامنا کرنا پڑ سکتا ہے۔