اسلام آبادتازہ ترین

تحریک لبیک کا دھرنا ، مری روڈ میدان جنگ بن گیا

5 سال قبل
5 سال قبل

تحریک لبیک کا دھرنا ، مری روڈ میدان جنگ بن گیا

باغی ٹی وی رپورٹ کے مطابق . تحریک لبیک کے دھرنےکو روکنے کے لیے پولیس اور مظاہر کے درمیان آنکھ مچولی جاری ہے . لیاقت باغ میں مظاہرین اور پولیس کے درمیان جھڑپیں ہوئی ہیں.

راولپنڈی پولیس اور تحریک لیبک کے کارکنان کے درمیان شدید پتھراؤ جاری ہے. اس سلسلے میں‌ راولپنڈی لیاقت باغ کے قریب مری روڈ میدان جنگ بن گیا . پولیس کی جانب سے تحریک لبیک کے کارکنان پر شیلنگ کی جارہی ہے


ادھر کارکنان کی جانب سے پولیس پر پتھراؤ کیا جارہا ہے. ریلی کے شرکاء کی بڑی تعداد پریس کے سامنے پہنچ گئی ریلی کے شرکاء نے اس موقع پر شدید نعرہ بازی کی ہے . اس شدید پتھراؤ کی وجہ سے پولیس کا عملہ گاڑیوں میں محصور ہو کر رہ گیا .

تحریک لبیک پاکستان کی طرف سےاسلام آباد دھرنے کے اعلان اورممکنہ ملک گیر احتجاج کے پیش نظر اسلام آباد میں راستے بند ہیں اور سڑکیں‌ویران ہیں‌. راولپنڈی میٹرو بھی بند ہے . فیض آباد کے قرب و جوار میں دکانیں ہوٹل بند ہیں. اس موقع پر پولیس کی بھاری نفری سیکورٹی کے لئے موجود ہے


فرانس میں گستاخانہ خاکوں کیخلاف دنیا بھر میں مسلمانوں نے سخت احتجاج کیا ۔ اس حوالے سے پاکستان تحریک لبیک نے فرانس کی اشیا کے بائیکاٹ اور فرانسیسی سفیر کو ملک بدر کرنے کیلئے تحفظ ناموس رسالت کے حوالے سے احتجاج کا اعلان کر رکھا ہے جس کے بعد حکومت تحریک لبیک کے خلاف متحرک ہو گئی

Shares:

مزید خبریں