مریم نواز جاتی عمرا سے منڈی بہاؤالدین کے لیے روانہ ہو گئی ہیں، ان کے ساتھ 200 سے زائد گاڑیوں کا قافلہ بھی موجود ہے .ن لیگ کے کارکنان کی بڑی تعداد ان کے ساتھ قافلے کے ساتھ ہے۔
تفصیلات کے مطابق مریم نواز منڈی بہاؤالدین کیطرف روانہ ہو گئیں .روانگی سے قبل انہوں نے کارکنوں سے بات کرتے ہوئے کہا کہ وہ منڈی بہاؤالدین کے لیے نکل آئی ہیں، وہ دھمکیوں سے نہیں ڈرتیں، جلسے کی اجازت ملے یا نہ ملے، وہ عوام سے لازمی ملیں گی۔
آج مریم نواز نے ٹویٹ کے ذریعے شاعرانہ انداز اختیار کیا اور کہا
مانگے تانگے کی کرسی پر مرتے کیوں ہو؟
عمل نہیں توجھوٹی باتیں کرتے کیوں ہو؟
کہتے تھے آؤ میں کنٹینر دوں گا
میں جو نکلی ہوں تو ڈرتے کیوں ہو؟
اس سے پہلے ن لیگ کی طرف سے کہا جا رہا تھا کہ جلسہ کرنے سے روکا جارہا ہےاور جلسہ گاہ میں پان چھوڑ دیا گیا ہے ادھر مسلم لیگ ن کی قیادت قائداعظم گراؤنڈ میں ہی جلسہ کرنے پر اصرار کر رہی ہے. انتظامیہ نےقائداعظم گراؤنڈ کے تینوں دروازوں کو تالے لگا دیے ہیں. دریں اثناء مسلم لیگ ن کی ترجمان کا کہنا ہے کہ مریم نوازسہ پہر 3 بجے رائیونڈ سےمنڈی بہاؤالدین جلسے کیلیے نکلیں گی. مریم اورنگزیب کا کہنا تھاکہ عمران صاحب آپ نے تو کہا تھا موت بھی برداشت کر سکتے ہیں لیکن عمران صاحب مریم نواز کا اتنا خوف کہ جلسہ گاہ میں پانی چھوڑ دیا گیا ہے.
مریم اورنگزیب نے کہاکہ عمران صاحب مریم نواز کومنڈی بہاءالدین میں جلسےکی اجازت نہیں دی گئی. واضح رہے کہ مسلم لیگ ن نے منڈی بہاؤالدین نے 15 کارکنان کی گرفتاری کا دعویٰ کیا ہے. ادھر پولیس نے دوسرے شہروں سے بھی بھاری نفری طلب کر لی ہے اور سکیورٹی کے سخت انتظامات کئے گئے ہیں. پولیس نے جلسہ گاہ کی طرف جانےو الے تمام راستے سیل کر دیے ہیں.
