راولپنڈی : شہداء نے اپنے خون سے تاریخ رقم کی ہے،آرمی چیف جنرل قمر جاوید باجوہ کا کہنا ہے کہ شہداء نے اپنے خون سے تاریخ رقم کی ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ اپنی اہلیہ کے ہمراہ لاہور میں شہید کیپٹن عفان مسعود خان اور شہید لیفٹیننٹ اقاشہ طلال کے گھر پہنچے جہاں انہوں نےشہداء کی فیملیز سے ملاقات کی۔
عید کے دوسرے روز پاک فوج کے سربراہ آرمی چیف جنرل قمرجاوید باجوہ شہدائے پاک وطن ، فرزندان پاکستان کے گھرپہنچ گئے،شہدا کی ملک وملت کے لیے قربانیوں پرخراج تحسین پیش کیا،درجات کی بلندی کے لیے دعائیں کیں pic.twitter.com/gxWBVqFjeg
— Baaghi TV باغی ٹی وی (@BaaghiTV) July 22, 2021
آئی ایس پی آر کے مطابق آرمی چیف نے شہداء کے لیے فاتحہ خوانی کی۔
ترجمان پاک فوج نے بتایا کہ آرمی چیف نے فرض کی ادائیگی میں جان کی عظیم قربانی کی تعریف کرتے ہوئے کہا کہ ہمارا امن و استحکام شہداء کے مرہون منت ہے، شہداء نے اپنے خون سے تاریخ رقم کی ہے۔
آئی ایس پی آر کے مطابق کور کمانڈر لاہور لیفٹیننٹ جنرل عبدالعزیز بھی آرمی چیف کے ہمراہ تھے۔
