مریم نواز، رانا ثناء اللہ،احد چیمہ کی ضمانت منسوخی کی درخواستیں سماعت کیلئے مقرر

سپریم کورٹ، ن لیگی رہنما مریم نواز شریف کی ضمانت منسوخی کی درخواست سماعت کے لیے مقرر کر دی گئی،چیف جسٹس عمر عطاء بندیال کی سربراہی میں دو رکنی بینچ 22 اگست کو سماعت کرے گا ،بینچ میں جسٹس اطہر من اللّٰہ بھی شامل ہیں ،نیب نے شمیم شوگر ملز کیس میں آمدن سے زائد اثاثوں کے الزام میں مریم نواز کی ضمانت منسوخی کی درخواست دائر کی تھی

سپریم کورٹ، سابق وفاقی وزیر داخلہ رانا ثناءاللہ کی ضمانت منسوخی کی درخواست سماعت کے لیے مقررکر دی گئی،چیف جسٹس عمر عطاء بندیال کی سربراہی میں قائم دو رکنی بینچ 23 اگست کو سماعت کرے گا عدالت نے فریقین کو نوٹسز جاری کر دیئے نیب نے رانا ثناءاللہ کے خلاف آمدن سے زائد اثاثوں کے الزام میں ضمانت منسوخی کی درخواست دائر کی تھی

سپریم کورٹ، نگران وزیراعظم کے مشیر احد چیمہ کی ضمانت منسوخی کی درخواست سماعت کے لیے مقررکر دی گئی، چیف جسٹس عمر عطاء بندیال کی سربراہی میں قائم دو رکنی بینچ 25 اگست کو سماعت کرے گا ،عدالت نے فریقین کو نوٹسز جاری کر دیئے نیب نے احد چیمہ کے خلاف منی لانڈرنگ اور آمدن سے زائد اثاثوں کے الزام میں ضمانت منسوخی کی درخواست دائر کر رکھی ہے

دوسری جانب نگران وزیراعظم کے مشیر احد چیمہ نے بیرون ملک جانے کیلئے عدالت سے رجوع کرلیا، احد چیمہ نے احتساب عدالت لاہور میں درخواست دائر کی،جس میں موقف اختیار کیا گیا کہ 20 اگست سے 27 اگست تک بیرون ملک کا سرکاری دورہ کرنا ہے عدالت سے استدعا ہے کہ بیرون ملک جانے کی درخواست منظور کرے عدالت نے درخواست کو سماعت کیلئے منظور کرتے ہوئے نیب سے رپورٹ طلب کرلی

اشتہاری مجرم کی ضمانت منسوخی کی ضرورت ہے؟ نواز شریف کیس میں عدالت کے ریمارکس

نواز شریف کو مفرور بھی ڈکلیئر کر دیں تو تب بھی اپیل تو سنی جائے گی،عدالت

گرفتاری پہلے، مقدمہ بعد میں، مہذب ممالک میں کبھی ایسا دیکھا ہے؟ مریم نواز