شیخ رشید دل دکھانے والی باتیں کرتے ہیں ،مریم اورنگزیب

لاہور :شیخ رشید دل دکھانے والی باتیں کرتے ہیں ،مریم اورنگزیب کے شیخ رشید کے بیانات پرسخت تبصرے ، اطلاعات کےمطابق پاکستان مسلم لیگ (ن) کی ترجمان مریم اورنگزیب کی وزیرریلوے شیخ رشید کے بیان کی شدید مذمت کی ہے

مریم اونگزیب نے سخت تنقید کرتے ہوئے کہا کہ شیخ رشید صاحب کی سیاست کا جنازہ اس دن نکل گیا تھا جس دن انہوں نے مسلم لیگ (ن) اور نوازشریف کے ساتھ غداری کی تھی ،شیخ رشید صاحب20 برس سے اپنی سیاست کامردہ ہر نئی جماعت کے کاندھے پر اٹھائے پھررہے ہیں

مریم اورنگزیب نے کہا کہ شیخ رشید صاحب کے بیانات چینی سکینڈل رپورٹ میں تاخیر سے توجہ ہٹانے کی کوشش ہے ،شیخ رشید صاحب کورونا سے مرتے عوام پر توجہ دیں ، نیب نیازی گٹھ جوڑ کی طرح شہبازشریف کے غم سے باہر نکلیں

انہوں نے کہا کہ قائد حزب اختلاف شہبازشریف پر سنگ دشنام پھینکنے والے سازشی کہلائے اور ہمیشہ ناکام ونامراد ہوئے ،اپوزیشن لیڈر کے خلاف بیانات سے حکومت کی کرپشن ، نالائقی اور بے حسی چھپ نہیں سکتی ،پارٹی قیادت کے خلاف جھوٹے بیانات پر کارکنان مشتعل ہوئے تو اس کے ذمہ دار شیخ رشید صاحب ہوں گے