مسجد نبویﷺ کے قریب ’رؤى المدینہ‘ منصوبے کا افتتاح

سعودی عرب کے ولی عہد شہزادہ محمد بن سلمان نے مسجد نبویﷺ کے مشرق میں واقع ’رؤى المدینہ‘ منصوبہ کے ماسٹرپلان کا افتتاح کیا ہے۔

باغی ٹی وی : "عرب نیوز” نے سعودی پریس ایجنسی کے حوالے سے بتایا کہ ولی عہد نے بنیادی ڈھانچے کے کاموں کا افتتاح کیا اور اس منصوبے کے ماسٹر پلان کی نقاب کشائی کی، جسے رواء المدینہ ہولڈنگ کمپنی تیار کرے گی، جو مکمل طور پر پبلک انویسٹمنٹ فنڈ کی ملکیت ہے۔

یو اے ای کا 6 سال بعد ایران میں سفیر تعینات کرنے کا اعلان

اس منصوبے سے مدینہ منورہ میں اقامت گاہوں کی گنجائش میں اضافہ ہوگا اورشہر کے ہوٹل عمرہ سیزن کے دوران میں تین کروڑسے زیادہ زائرین کی میزبانی کر سکیں گے۔

یہ منصوبہ مملکت کے ویژن 2030ء کے اہداف سے مطابقت رکھتا ہے۔اس منصوبہ پرسعودی عرب کے خودمختار سرمایہ کاری فنڈ (پی آئی ایف) کے تحت ’رؤى المدینہ‘ ہولڈنگ کمپنی عمل درآمد کررہی ہے۔یہ کمپنی مدینہ منورہ میں ترقی، آپریشن اور رئیل اسٹیٹ سرمایہ کاری میں مہارت رکھتی ہے۔

رپورٹ میں بتایا گیا ہے کہ اس منصوبہ پراعلیٰ ترین بین الاقوامی معیارکے مطابق عمل درآمد کیا جائے گا۔اس کا مقصد مدینہ منورہ کی ایک جدید اسلامی اور ثقافتی منزل کے طور پرپوزیشن کو مستحکم کرنا ہے۔اس کی تعمیروترقی سعودی قیادت کی اوّلین ترجیحات میں شامل ہے۔

ایران میں کرپشن کےمیگا اسکینڈل نے ملک ک ہلا کر رکھ دیا,اسٹیل کمپنی معطل

اس منصوبے کی تکمیل کے بعد مدینہ منورہ میں ہوٹلوں کے کمروں کی تعداد میں 47,000 کا اضافہ ہوگا،مزید کھلی اور سبز جگہیں ہوں گی اور وہ پندرہ لاکھ مربع میٹر کے کل زمینی رقبے کا 63 فی صد بنتی ہیں۔

اس منصوبے میں ٹرانسپورٹ کے مختلف مراکز شامل ہوں گے۔ان میں نو بس اسٹاپ، ایک میٹرواسٹیشن، خودکار چلنے والی گاڑیوں کے لیے ٹریک اوراپنی ذاتی گاڑیوں میں سفرکرنے والوں کے لیے زیرزمین پارکنگ شامل ہے اس منصوبے کا مقصد حجاج کرام کے لیے ایک جدید اسلامی اور ثقافتی مقام کے طور پر شہر کی حیثیت کو بلند کرنا ہے۔

بھارت میں نیا وائرس”ٹماٹو فلو” پھیلنے لگا