قطر کے وزیرخارجہ محمد بن عبدالرحمان آل ثانی نے کہا ہے کہ قضیہ فلسطین عرب ممالک کے لیے ‘ام المسائل’ کا درجہ رکھتا ہے۔
فلسطینیوں کے گھر گرائے جانا انسانیت کے خلاف جرم ہے، قطر
سماجی رابطوں کی ویب سائٹ ٹویٹر پر ایک بیان میں انہوں نے کہا کہ مسئلہ فلسطین کے حل ہونے تک خطے میں امن قائم نہیں ہوسکتا۔
قطری وزیرخارجہ نے مسئلہ فلسطین کے حوالے سے اپنے اس موقف کا اعادہ کیا کہ قطر عرب ممالک کے ساتھ مل کر فلسطینیوں کی ہر ممکن مدد جاری رکھے گا۔
قطری وزیرخارجہ عبدالرحمان آل ثانی نے اسرائیلی وزیراعظم بنجمن نیتن یاھو کے اس بیان کی بھی شدید مذمت کی جس میں انہوں نے کہا تھا کہ وہ 17 ستمبر کو ہونےوالے انتخابات کے بعد وادی اردن کو اسرائیل میں ضم کرنے کا اعلان کریں گے۔
نیتن یاھو کے اس بیان پرعرب ممالک ، عالم اسلام اور عالمی برادری کی طرف شدید رد عمل سامنے آیا ہے۔
