کراچی : میٹرک اورانٹرمیڈیٹ کے امتحانات کا شیڈول جاری کردیا گیا ،ذرائع کے مطابق سندھ میں 12ہویں جماعت کے امتحانات 26جولائی سے ہوں گے جس کا حتمی نوٹیفکیشن جاری کردیا گیا ہے۔
انٹر بورڈ کی جانب سے جاری نوٹیفکیشن کے مطابق 12ہویں جماعت کے امتحانات کے بعد گیارہویں کےامتحانات ہوں گے۔
نوٹیفکیشن کے مطابق گیارہویں اور 12ہویں جماعت کے صرف اختیاری مضامین (ELECTIVE SUBJECTS) کے امتحانات لیے جائیں گے، عملی (پریکٹیکل) امتحانات نہیں لیے جائیں گے۔
صوبہ سندھ میں دسویں جماعت کے امتحانات 5 جولائی اور بارہویں جماعت کے امتحانات 26 جولائی سے ہوں گے۔ امتحانی پرچے %60 condensed syllabus سے صرف elective مضامین کے ہوں گے۔ پرچے دو گھنٹے کے ہوں گے جن میں
MCQs 50%
short question 30%
long questions20%
ہوں گے pic.twitter.com/tHFZgz76Ed— Senator Saeed Ghani (@SaeedGhani1) June 10, 2021
سندھ کے وزیر تعلیم سعید غنی نے سماجی رابطوں کی ویب سائٹ پر بتایا کہ صوبہ سندھ میں دسویں جماعت کے امتحانات 5 جولائی اور بارہویں جماعت کے امتحانات 26 جولائی سے ہوں گے۔
سعید غنی کا کہنا تھا کہ امتحانی پرچے %60 condensed syllabus سے صرف elective مضامین کے ہوں گے، پرچے کا دورانیہ دو گھنٹے ہوگا۔
پرچہ 50 فیصد ایم سی کیوز، 30 فیصد مختصر سوالات اور 20 فیصد طویل سوالات پر مبنی ہوگا۔9 ویں اور گیارہویں جماعت کے امتحانات کی تاریخوں کا اعلان بعد میں کیا جائے گا۔
